ట్విట్టర్ విషయంలో ఎలన్ మస్క్ మరొక కొత్త మార్పు తీసుకురాబోతున్నారు. ట్విట్టర్ బ్లూ సబ్ స్క్రిప్షన్ పేరుతో కొత్త సబ్ స్క్రిప్షన్ ప్లాన్ తీసుకురాబోతున్నారు. ఈ ప్లాన్ కి సంబంధించిన వివరాల్ని ప్రకటిస్తూ, సబ్ స్క్రిప్షన్ తీసుకున్నవాళ్లు కొన్ని ప్రత్యేకమైన ఫీచర్లు పొందొచ్చని వివరించారు. ఇప్పటికే పలు దేశాల్లో అమలైన ఈ సబ్ స్క్రిప్షన్ ప్లాన్, ఇప్పుడు భారత్ కి తీసుకురాబోతున్నారు.
ఈ ప్లాన్ ద్వారా సబ్ స్క్రైబర్లు ఏదైనా ట్వీట్ చేస్తే వాళ్ల ట్వీట్ ఫస్ట్ ప్రయారిటీలోకి వెళ్తుంది. అంటే అన్ని ట్వీట్లకన్నా సబ్ స్క్రైబర్ చేసిన ట్వీట్ ముందు వరుసలో కనిపిస్తుంటుంది. ఈ ప్లాన్ తీసుకున్నవాళ్లకు యాడ్స్ కూడా రావు. అంతేకాదు పొరపాటున చేసిన ట్వీట్లను అన్ డూ కూడా చేయొచ్చు. అయితే, ఈ ప్లాన్ ధర నెలకు రూ.899 నుంచి ప్రారంభం అవుతుంది.
