పద్మారావునగర్,వెలుగు: అరుదైన బబుల్-హెడ్ డాల్ సిండ్రోమ్తో బాధపడుతున్న రెండేళ్ల చిన్నారికి సికింద్రాబాద్ మెడికవర్ హాస్పిటల్స్ డాక్టర్లు న్యూరో-ఎండోస్కోపిక్ సర్జరీ చేసి పునర్జన్మ ఇచ్చారు. మంగళవారం డాక్టర్లు మీడియాకు వివరాలు వెల్లడించారు.
సిటీలోని ఎల్బీ నగర్ కు చెందిన దంపతులు తమ రెండేళ్ల కొడుకు తరచూ తన తలను నో--నో లాగా నిరంతరం అడ్డంగా ఊపడం గమనించారు. సికింద్రాబాద్ మెడికవర్ దవాఖానకు తీసుకురాగా, డాక్టర్లు అరుదైన వ్యాధి బబుల్-హెడ్ డాల్ సిండ్రోమ్గా నిర్ధారించారు.
కాంప్లెక్స్(మల్టిలోక్యులేటెడ్) హైడ్రో సెఫలస్గా గుర్తించిన ఈ కేసులో మెదడులోని అనేక విడిపోయిన ద్రవ గదులను న్యూరో-నావిగేషన్ సాయంతో ఎండోస్కోపిక్ ద్వారా, ప్రోగ్రామబుల్ వీపీ స్టంట్ అమర్చారు. సర్జరీ అనంతరం బాబు ఆరోగ్యం మెరుగుపడింది. సీనియర్ న్యూరో సర్జన్ డాక్టర్ రమేశ్ శిఘకొల్లి, చీఫ్ అనస్థీటిస్ట్ డాక్టర్ భవాని శంకర్, శ్రీనివాస్ పాల్గొన్నారు.
