తెలంగాణలో నిరుద్యోగ సమస్యలపై పోరాడుతున్నారు YSR తెలంగాణ పార్టీ అధ్యక్షురాలు వైఎస్ షర్మిల. ఇందులో భాగంగానే ప్రతి మంగళవారం షర్మిల నిరాహార దీక్ష చేస్తున్నారు. రేపు(మంగళవారం) సీఎం కేసీఆర్ గెలిచిన గజ్వెల్ నియోజకవర్గంలో షర్మిల దీక్షకు దిగనున్నారు. గజ్వేల్ మండలం అనంతరావుపల్లిలో ఉద్యోగం రాకపోవడంతో కొప్పు రాజు అనే యువకుడు ఆరు నెలల క్రితం ఆత్మహత్య చేసుకున్నాడు. రాజు కుటుంబాన్ని షర్మిల రేపు ఉదయం పరామర్శించనున్నారు. ఆ తర్వాత గజ్వేల్ మున్సిపాలిటీ పరిధిలో ఉన్న ప్రజ్ఞాపూర్ లో నిరుద్యోగదీక్షలో పాల్గొననున్నారు వైఎస్ షర్మిల.
