కంటోన్మెంట్, వెలుగు: ఎస్సీ వర్గీకరణకు బీజేపీ ప్రభుత్వం కట్టుబడి ఉందని, త్వరలోనే చట్టబద్ధత రానుందని కేంద్ర మంత్రి కిషన్రెడ్డి తెలిపారు. అయితే సుప్రీం కోర్టులో పూర్తిస్థాయి విచారణ జరిగి స్పష్టత రావడానికి కొంత సమయం పడుతుందని పేర్కొన్నారు. వచ్చే పార్లమెంటు ఎన్నికల్లో ఎస్సీ వర్గీకరణ అంశాన్ని బీజేపీ ఎన్నికల మేనిఫెస్టోలో చేరుస్తామని ఆయన వెల్లడించారు.
సికింద్రాబాద్మిలీనియం గార్డెన్లో మంగళవారం ఎమ్మార్పీఎస్ అనుబంధ సంఘాల జాతీయ కార్యవర్గ సమావేశానికి కిషన్రెడ్డి హాజరై మాట్లాడారు. వర్గీకరణ బిల్లు చట్టబద్ధతకు కేంద్రం కృషి చేస్తుందని, సుప్రీం కోర్టులో వాదనలు దాదాపుగా పూర్తయ్యాయని, ఏడుగురు జడ్జిల బెంచ్ తీర్పు కూడా వర్గీకరణకు సానుకూలంగా ఉందని పేర్కొన్నారు. ఇటీవల సుప్రీం కోర్టులో వర్గీకరణపై జరిగిన పరిణామాలపై ఎమ్మార్పీఎస్ అధ్యక్షుడు మందకృష్ణ మాదిగ వివరించారు. సమావేశంలో జాతీయస్థాయి ఎమ్మార్పీఎస్, అనుబంధ విభాగాల ప్రతినిధులు పెద్దసంఖ్యలో పాల్గొన్నారు.
