హైదరాబాద్: ఎల్బీ స్టేడియంలో ఈ నెల 27న నిర్వహించనున్న యోగ ఉత్సవ్ ఏర్పాట్లను కేంద్ర మంత్రులు కిషన్ రెడ్డి, సర్వానంద సోనావాల పరిశీలించారు. ఈ సందర్భంగా మంత్రి కిషన్ రెడ్డి మాట్లాడుతూ... ఆయూష్ షిప్పింగ్ మంత్రి సర్వానంద సోనావాల రేపటి యోగా కార్యక్రమం లో పాల్గొంటారని తెలిపారు. పెద్ద ఎత్తున నగర ప్రజలు ఈ కార్యక్రమంలో పాల్గొనాలని కోరారు. మానవ సమాజం ఎలాంటి ఆరోగ్య సమస్యలు లేకుండా జీవించేందుకు యోగా ఉపయోగ పడుతుందన్నారు. జూన్ 21న ఢిల్లీలో పెద్ద ఎత్తున యోగా కార్యక్రమం నిర్వహిస్తున్నామని, ఈ కార్యక్రమానికి ప్రధాని మోడీ హాజరవుతారని తెలిపారు. ప్రపంచ వ్యాప్తంగా మొత్తం 200 దేశాలు అంతర్జాతీయ యోగా డే ను జరుపుకుంటున్నాయన్న ఆయన... దేశంలో మొత్తం 75 ప్రాంతాల్లో యోగా డేని నిర్వహిస్తున్నామని వెల్లడించారు.
మరిన్ని వార్తల కోసం...
