బిజినెస్ డెస్క్, వెలుగు: సాధారణంగా అయితే ఇంటి కిరాయి మొత్తాన్ని ప్రతి నెలా ఒక తేదీన యజమాని చేతికి ఇస్తారు లేదా బ్యాంకు ఖాతాకు నెఫ్ట్/ఐఎంపీఎస్ వంటి పద్ధతుల ద్వారా డిపాజిట్ చేస్తారు. అయితే, క్రెడిట్కార్డు ద్వారా కూడా అద్దె చెల్లించవచ్చు. ఇందుకు కొంత ఛార్జీ పడుతుంది. ఆన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లైన్ షాపింగ్ కోసం లేదా ప్రయాణంలో క్యాష్లెస్ పేమెంట్ల ఇప్పుడు క్రెడిట్ కార్డ్‌‌‌‌‌‌‌‌‌‌‌‌‌‌‌‌లను చాలా మంది ఉపయోగిస్తున్నారు. అద్దె సాధారణంగా నెలలో అత్యంత ఖరీదైన ఖర్చుల్లో ఒకటి. ఈ చెల్లింపును వాయిదా వేసే అవకాశం ఉండదు కాబట్టి దీనిని సకాలంలో చెల్లించడం కూడా చాలా ముఖ్యం. మీకు ఆర్థిక సమస్యలు ఉంటే, ఇతర ప్రధాన ఖర్చుల కోసం డబ్బు ఆదా చేయాలనుకుంటే మీరు క్రెడిట్ కార్డ్ ద్వారా అద్దె కట్టడం బెటర్. దీనివల్ల కొంతకాలం నగదును ఆదా చేసుకోవచ్చు. మీకు సాధారణంగా నెలలో 5 లేదా 10వ తేదీన జీతం వస్తుందని అనుకుందాం. మీ అద్దె నెల ఒకటో తేదీన బకాయి ఉంటే, క్రెడిట్ కార్డ్‌‌‌‌‌‌‌‌‌‌‌‌‌‌‌‌తో అద్దె చెల్లించవచ్చు. క్రెడిట్ బిల్ అదే నెల 20 న వస్తే.. మీరు 15 రోజుల తరువాతే దాని బిల్ చెల్లించవచ్చు. అంతేకాదు స్కూలు ఫీజులు, మెయింటనెన్స్ ఖర్చులనూ క్రెడిట్కార్డు ద్వారా చెల్లించవచ్చు. పేటీఎం, క్రెడ్, రెడ్ జిరాఫీ, ఫ్రీచార్జ్, అమెజాన్ వంటి ఎన్నో యాప్స్ క్రెడిట్కార్డు ద్వారా అద్దె కట్టడానికి వీలు కల్పిస్తాయి.
యాప్లో రిజిస్ట్రేషన్ చేసుకోవాలి..
క్రెడిట్కార్డుతో రెంట్ కట్టడానికి అనుమతిచ్చే యాప్లో రిజిస్టర్ చేసుకోవాలి. యజమాని, కిరాయిదారు చిరునామాలు, బ్యాంకు వివరాలు ఇవ్వాలి. కొన్ని యాప్స్ రెంటల్ అగ్రిమెంటును కూడా అడుగుతాయి. కిరాయి మొత్తం రూ.50 వేలు దాటితే యజమాని పాన్ కార్డు వివరాలనూ ఇవ్వాలి. డబ్బు ఏ తేదీన చెల్లించాలి, ఎంత చెల్లించాలి ? వంటి సమాచారాన్ని పేర్కొనాలి. ఇలా ఒక్కసారి వివరాలను ఇస్తే ప్రతి నెలా నిర్దిష్ట తేదీన రెంట్ కట్టేయొచ్చు. మనదేశంలో మెజారిటీ యాప్లు క్రెడిట్కార్డుతో అద్దె చెల్లింపుకు ఒక శాతం కన్వీయెన్స్ ఫీజును వసూలు చేస్తున్నాయి. ఉదాహరణకు రూ.10 వేలు కిరాయి కట్టాలంటే రూ.100 కన్వీయెన్స్ ఫీజుగా చెల్లించాలి. పేజ్యాప్ వంటి ప్లాట్ఫారమ్ల ద్వారా కిరాయి చెల్లిస్తే రెడ్ జిరాఫీ, నోబ్రోకర్, హౌజింగ్డాట్కామ్ వంటివి కొంత క్యాష్బ్యాక్ ఇస్తున్నాయి. వీటికితోడు రివార్డు పాయింట్లు ఇస్తున్నాయి. ఆఫర్‌‌‌‌‌‌‌‌‌‌‌‌‌‌‌‌లు, క్యాష్బ్యాక్, లాయల్టీ పాయింట్లు, ఎయిర్ మైల్స్ వంటి వాటి వల్ల చాలా తక్కువ కన్వీనియెన్స్ ఫీజుతో కిరాయి చెల్లింపు సాధ్యమవుతుంది.
ముఖ్యమైన యాప్లు వసూలు చేస్తున్న చార్జీలు
అప్లికేషన్ ఛార్జీలు (%) డాక్యుమెంట్లు కార్డురకం
ఫోన్ పే 2 అవసరం లేదు అన్ని క్రెడిట్ కార్డ్లు
పేటీఎం 1 అవసరం లేదు అన్ని క్రెడిట్ కార్డ్లు
క్రెడ్ యాప్ 1.5– 2 అవసరం లేదు అన్ని క్రెడిట్ కార్డ్లు
మ్యాజిక్ బ్రిక్స్ 1.18 అప్లోడ్ చేయాలి అన్ని క్రెడిట్ కార్డ్లు
నోబ్రోకర్ లేదు 1 అవసరం లేదు అన్ని క్రెడిట్ కార్డ్లు
హౌసింగ్ డాట్కామ్ 1 అవసరం లేదు అమెక్స్, డైనర్స్ కార్డ్లు మినహా అన్నీ
రెడ్ జిరాఫీ 0.39 +జీఎస్టీ అప్లోడ్ చేయాలి అమెక్స్ మినహా అన్ని క్రెడిట్ కార్డ్లు
