వి8 సూపర్ కార్స్‌లో తొలి ఫుల్ టైం రేసర్‌గా పోటీ చేసిన మాజీ రేసర్ రెనీ గ్రేసీ పోర్న్ రంగంవైపు అడుగులు వేస్తుంది. సూపర్ కార్స్ మాజీ రేసర్ రెనీ గ్రేసీ రేసింగ్‌ను వదిలి.. అడల్ట్ చిత్ర పరిశ్రమలో చేరాలని నిర్ణయించుకుంది. దాంతో వి8 సూపర్ కార్స్ అభిమానులంతా ఆశ్చర్యానికి లోనయ్యారు. వి8 సూపర్ కార్స్‌లో మొదటి ఫుల్ టైం లేడీ రేసర్ రెనీ గ్రేసీ కావడం గమనార్హం.
బ్రిస్బేన్లో జన్మించిన గ్రేసీ ఇటీవలి పాల్గొన్న ఇంటర్వ్యూలో ఈ విషయాన్ని వెల్లడించింది. తాను ఎక్కువమొత్తంలో డబ్బు సంపాదించడానికే అడల్ట్ మూవీస్‌ను ఎంచుకున్నానని ఆమె తెలిపింది. అంతేకాకుండా.. ఇప్పటివరకు తాను తీసుకున్న మంచి నిర్ణయాల్లో ఇది ఒకటని ఆమె వెల్లడించింది.
‘నేను కార్ రేసింగ్‌లో మంచి ఫలితాలతో పాటు నిధులను కూడా సంపాదించలేకపోయాను. నేను నా వంతు ప్రయత్నం చేశాను. కానీ, దాని ఎటువంటి ఉపయోగం లేకపోవడంతో పాటు.. నా కల మాయమయ్యే దశకు చేరుకుంది. ఈ నిర్ణయం నా మొత్తం జీవితంలో నేను తీసుకున్న గొప్ప నిర్ణయం. ఈ నిర్ణయం నన్ను మంచి ఇది ఆర్థికస్థితిలో ఉంచింది. దానివల్ల నేను ఆనందంగా ఉన్నాను. ఎవరు నన్ను ఎలా పిలిచినా నేను స్వీకరిస్తాను. ప్రస్తుతం నేను ఎక్కువ డబ్బు సంపాదిస్తున్నాను. దాంతో నేను చాలా సంతోషంగా జీవిస్తున్నాను. నేను ఈ రంగంలోకి గుడ్డిగా వెళ్ళలేదు. ఇలా చేయడం వల్ల నన్ను చాలామంది అపార్థం చేసుకుంటారని నాకు తెలుసు. కానీ, నేను చాలా ఆలోచించి ఈ నిర్ణయం తీసుకున్నాను. ఎప్పుడో ఒకప్పుడు ఈ విషయం బయటకు వస్తుందని నాకు తెలుసు. అంతేకాకుండా ఇది చాలా వివాదాస్పదంగా మారుతుందని కూడా తెలుసు’ గ్రేసీ తెలిపారు.
గ్రేసీ ఇంటర్వ్యూ తర్వాత ఆమె సైట్‌కు అభిమానుల సంఖ్య 5000 మందికి పైగా పెరిగింది. తాను పోర్న్ రంగంలోకి అడుగుపెడుతున్నాననే విషయాన్ని గ్రేసీ గత వారం తెలిపింది. ఆమె తన వీడియోలను మరియు ఫొటోలను ఓన్లీఫ్యాన్స్.కామ్‌లో పెడుతున్నారు. వాటి ద్వారా గ్రేసీ మొదటి ఆరు రోజులలోనే 24 వేల డాలర్లు సంపాదించింది. దాంతో ఇప్పుడు నెలకు 90,000 డాలర్లకు పైగా వసూలు చేయగలనని ఆశాభావం వ్యక్తం చేస్తోంది. కాగా.. సూపర్ కార్స్ యాజమాన్యం ఈ విషయంపై స్పందిస్తూ.. గ్రేసీ నిర్ణయం గురించి తమకు ముందే తెలుసని ప్రకటించింది. ఇకనుంచి గ్రేసీకి, సూపర్ కార్స్ గేమ్‌కు ఎటువంటి సంబంధంలేదని కూడా సూపర్ కార్స్ స్పష్టం చేసింది.
For More News..
