అచ్చంపేట, వెలుగు: మండలంలోని రంగాపూర్ గ్రామంలో ఆదివారం బల్మూర్ మండలం గోదల్ గ్రామానికి చెందిన వావిలాల సుభాశ్రెడ్డి(35) ఒంటిపై పెట్రోల్ పోసుకొని సూసైడ్ చేసుకున్నాడు. రంగాపూర్ గ్రామానికి చెందిన లోహితతో ఏడాది కింద వివాహం జరిగింది. మనస్పర్థలు రావడంతో లోహిత రంగాపూర్లో ఉంటోంది. ఆదివారం రంగాపూర్కు వచ్చిన సుభాశ్రెడ్డి అత్తగారింట్లో ఒంటిపై పెట్రోల్ పోసుకుని అంటించుకోవడంతో స్థానికులు మంటలు ఆర్పి, అచ్చంపేట హాస్పిటల్కు తరలించారు.
పరిస్థితి విషమించడంతో హైదరాబాద్ గాంధీ ఆసుపత్రికి తీసుకెళ్లారు. అక్కడ చికిత్స పొందుతూ చనిపోయినట్లు కుటుంబసభ్యులు తెలిపారు. ఇదిలాఉంటే తనపై అత్త, మామ, భార్య పెట్రోల్ పోసి నిప్పంటించారని సుభాశ్ రెడ్డి మీడియాకు తెలిపాడు. కేసు నమోదు చేసి దర్యాప్తు చేస్తున్నట్లు ఎస్ఐ రాము తెలిపారు.
