నువ్వే కావాలి, నువ్వు నాకు నచ్చావ్, మన్మథుడు వంటి సక్సెస్ చిత్రాలను డైరెక్ట్ చేసిన కె.విజయ భాస్కర్ కొంత గ్యాప్ తర్వాత రూపొందించిన సినిమా ‘జిలేబి’. విజయ్ భాస్కర్ కొడుకు శ్రీకమల్ హీరోగా తెరకెక్కిన ఈ చిత్రాన్ని గుంటూరు రామకృష్ణ నిర్మించారు. శివాని రాజశేఖర్ హీరోయిన్.
ఇప్పటికే విడుదలైన ఫస్ట్ లుక్ గ్లింప్స్‌, టీజర్‌‌‌‌కి మంచి రెస్పాన్స్ వచ్చింది. తాజాగా ఈ చిత్రం జులై 21న ప్రేక్షకుల ముందుకు రాబోతోందని ప్రకటించారు. ఈ సందర్భంగా ఇచ్చిన రిలీజ్ డేట్ పోస్టర్‌‌‌‌లో శ్రీకమల్, శివాని దేన్నో చాటుగా చూడటం ఇంటరెస్టింగ్‌‌గా ఉంది.
మణిశర్మ సంగీతం అందించిన ఈ చిత్రంలో రాజేంద్ర ప్రసాద్, మురళీ శర్మ, గెటప్ శ్రీను, గుండు సుదర్శన్ ఇతర పాత్రల్లో కనిపించనున్నారు.
