హైదరాబాద్, వెలుగు : చావు నోట్లో తలపెట్టిన.. కోమాలోకి పోయిన అంటూ సీఎం కేసీఆర్ చెప్పేవన్నీ తుపాకీ రాముడి కథలేనని బీజేపీ నేత విజయశాంతి బుధవారం ఒక ప్రకటనలో విమర్శించారు. ఖమ్మంలో కేసీఆర్ జ్యూస్లు తాగితే.. విద్యార్థులు, ఉద్యమకారులు తిరగబడ్డ విషయాన్ని ఎవరూ మర్చిపోలేదన్నారు. తన నిరాహారదీక్ష వల్లే తెలంగాణ వచ్చిందని కేసీఆర్ చెప్పుకోవడం హాస్యాస్పదంగా ఉందన్నారు.
ముఖ్యమంత్రి కేసీఆర్ ఏ దీక్షా చేయలేదన్నారు. నిమ్స్లో దొంగ దీక్ష, ఢిల్లీలో దీక్ష పేరుతో గోల్ మాల్ కథలను విని ప్రజలు నవ్వుకుంటున్నారని కామెంట్ చేశారు. 2009లో దీక్ష చేపట్టి 2014దాకా కూసుంటే రాష్ట్రం వచ్చిందా అని ఆమె ఎద్దేవా చేశారు.
