హైదరాబాద్, వెలుగు: బంగారు తెలంగాణలో సర్కార్ బడులు బాగుపడలేదని, కేజీ టు పీజీ ఉచిత విద్య హామీ అటకెక్కిందని బీజేపీ జాతీయ కార్యవర్గ సభ్యుడు, మాజీ ఎంపీ వివేక్ వెంకటస్వామి శుక్రవారం ట్విట్టర్లో విమర్శించారు. ‘‘పిల్లలకు పుస్తకాలు లేవు, యూనిఫామ్లు లేవు, టీచర్ల నియామకాలు లేవు, బడులకు రిపేర్లు లేవు, మధ్యాహ్న భోజన పథకానికి నిధులు లేవు, పురుగుల బువ్వతో పిల్లలు రోగా లపాలు’’ అని వివేక్ ట్వీట్ చేశారు. రేషనలైజేషన్పేరుతో 12 వేల బడులు మూసివేశారని, పేదోడిని పీక్కుతినే కార్పొరేట్ దోపిడీకి కేసీఆర్ సహకరిస్తున్నారని ఆరోపించారు. ‘‘కేసీఆర్ ఫెయిల్డ్ తెలంగాణ’’ అనే హ్యాష్ ట్యాగ్ను ట్వీట్కు యాడ్ చేశారు.
ఏం సాధించారని పట్టణ ప్రగతి ఉత్సవాలు
దశాబ్ది ఉత్సవాల్లో పట్టణ ప్రగతి వేడుకలు నిర్వహిస్తున్న ప్రభుత్వంపై వివేక్ ఫైర్ అయ్యారు. “హైదారాబాద్ విశ్వనగం అయిపోయిందా, కరీంనగర్ లండ న్లా అభివృద్ధి చెందిందా, వరంగల్ డల్లాస్లా మారి పోయిందా.. కెనడాను మించిన హాస్పిటల్స్ వచ్చినయా.. మరి ఎందుకోసం ఈ పట్టణ ప్రగతి దినోత్సవా లు.. వందల కోట్ల ప్రజా ధనంతో ఎవరికోసం ఈ దశాబ్ది ఉత్సవాలు” అని ప్రశ్నించారు.
విశాఖలో వివేక్ పర్యటన
పేదల సంక్షేమం, సుపరిపాలన, సేవే ధ్యేయంగా ప్రధాని నరేంద్ర మోదీ పాలన సాగిస్తున్నారని వివేక్ వెంకటస్వామి అన్నారు. శుక్రవారం ఏపీలోని విశాఖపట్నంలో జరిగిన జిల్లాస్థాయి సోషల్ మీడియా ఇన్ఫ్లూయెన్సర్స్ మీట్కు ఆయన ముఖ్యఅతిథిగా హాజరై మాట్లాడారు. బీజేపీ తొమ్మిదేండ్ల పరిపాలనలో చేసిన అభివృద్ధి, సంక్షేమ కార్యక్రమాలపై వివరించారు. కేంద్ర ప్రభుత్వం సాధించిన విజయాల్ని రానున్న 2024 జనరల్ ఎలక్షన్లో సోషల్ మీడియాలో బలంగా ప్రచారం చేయడంపై దిశా నిర్దేశం చేశారు. కార్య క్రమంలో బీజేపీ విశాఖపట్నం జిల్లా అధ్యక్షుడు మేడపాటి రవీంద్ర, జిల్లా ఇన్చార్జ్ పుట్ట గంగయ్య, జిల్లా సోషల్ మీడియా కన్వీనర్ వెంకటేశ్, ఉత్తరాంధ్ర బీజేపీ సోషల్ మీడియా జోనల్ ఇన్చార్జ్ వేమూరి మహేశ్, దిలీప్ వర్మ తదితరులు పాల్గొన్నారు.
