హైదరాబాద్, వెలుగు : ఓట్ల కౌంటింగ్ సందర్భంగా రాష్ట్ర వ్యాప్తంగా ఆదివారం ఉదయం 6 నుంచి సోమవారం ఉదయం 6 గంటల వరకు మద్యం విక్రయాలు నిలిపివేయాలని అధికారులు ఉత్తర్వులు జారీ చేశారు. వైన్ షాపులు, బార్లు, రెస్టారెంట్లు, క్లబ్బులు, స్టార్ హోటళ్లు మూసివేయాలని స్పష్టం చేశారు. ఎన్నికల ఫలితాలు వెలువడగానే ప్రజలకు ఇబ్బంది కలిగేలా హడావుడి చేయటం, బాణసంచా కాల్చడంపైన కూడా నిషేధం విధిస్తున్నట్లు పేర్కొన్నారు.
