హై హీల్స్తో నడవడమే కష్టం అంటే...ఏకంగా హై హీల్స్తో జంప్లు కొట్టింది ఒక అథ్లెట్. అది కూడా స్లాక్ లైన్పై. స్లాక్ లైన్ అంటే అదేదో అనుకునేరు. సర్కస్లో నడిచే తాడు. దానిపై జంప్లే ఈమెని గిన్నిస్ వరల్డ్ రికార్డ్స్ వరకు తీసుకెళ్లాయి. ఇంతకీ ఈ అథ్లెట్ పేరు చెప్పలేదు కదూ.. ఓల్గా హెన్రీ.
తాడుపై గెంతులేయడాన్ని ‘బమ్ బౌన్స్’ అంటారు. ఈ ట్రిక్కీ స్పోర్ట్ని మామూలుగా ఆడటమే చాలా కష్టం. అలాంటిది హై హీల్స్తో అంటే ఓ సాహసమనే చెప్పాలి. అయినా సరే ఈ యుఎస్ అథ్లెట్ ముఖంలో కాస్తయినా టెన్షన్ కనిపించలేదు.
నేలపై నడిచినంత కాన్ఫిడెంట్గా పోల్స్కి కట్టేసి ఉన్న స్లాక్లైన్స్పై గెంతులేసింది. యుఎస్ కాలిఫోర్నియాలోని శాంటా మోనిక బీచ్లో నిమిషం పాటు ఈమె చేసిన ఆ ఫీట్కి గిన్నిస్ వరల్డ్ రికార్డ్స్లో చోటు దక్కింది. ఈ విషయాన్ని గిన్నిస్ వరల్డ్ రికార్డ్స్ స్వయంగా తన ఇన్స్ట్రాగ్రామ్లో పోస్ట్ చేసింది. స్లాక్ లైన్ మీద హై హీల్స్తో బమ్ బౌన్స్ చేస్తున్న ఓల్గా వీడియో కూడా పోస్ట్ చేసింది గిన్నిస్ వరల్డ్ రికార్డ్. ఈ వీడియో ఇంటర్నెట్లో సెన్సేషన్ అయింది. పోస్ట్ చేసిన గంటలోనే లక్షల్లో వ్యూస్ వచ్చాయి. చాలామంది ఓల్గా టాలెంట్కి సలాం కొడుతూ కామెంట్లు పెడుతున్నారు.
