- పోలీసులకు బాధితురాలి ఫిర్యాదు
కుషాయిగూడ, వెలుగు: వైద్య పరీక్షల కోసం ఓ మహిళ డయాగ్నోస్టిక్ సెంటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు వెళ్లగా.. ఆమె గోల్డ్చైన్మాయమైన ఘటన కుషాయిగూడ పోలీస్ స్టేషన్‌ పరిధిలో చోటుచేసుకుంది. దమ్మాయిగూడ లక్ష్మీనగర్ ఫేజ్-2కు చెందిన నాగ వెంకట పావని తాయారు యార్ల ప్రైవేట్ఉద్యోగిని. గత నెల 23న ఉదయం 9 గంటలకు ఏఎస్ రావు నగర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోని మెడ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ప్లస్ డయాగ్నోస్టిక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో వైద్య పరీక్షలు చేయించుకునేందుకు వెళ్లారు.
చెస్ట్స్కానింగ్సమయంలో తన మెడలోని సుమారు 35 గ్రాముల బంగారు గొలుసును తీసి, పక్కన పెట్టారు. టెస్ట్లు పూర్తయ్యాక ఇంటికి వెళ్లిపోయారు. కాసేపటికి గోల్డ్చైన్మరిచిపోయినట్లు గుర్తించిన ఆమె.. డయాగ్నోస్టిక్సెంటర్ సిబ్బంది దృష్టికి తీసుకెళ్లగా.. వారు లోపల వెతికి గొలుసు లేదని చెప్పారు. దీంతో బాధితురాలు ఠాణాలో ఫిర్యాదు చేశారు. కేసు దర్యాప్తు చేస్తున్నట్లు పోలీసులు పేర్కొన్నారు.
