బాలయ్య ఎనర్జీని మ్యాచ్ చేయడం చాలా కష్టం:ఆది పినిశెట్టి

బాలయ్య  ఎనర్జీని మ్యాచ్ చేయడం చాలా కష్టం:ఆది పినిశెట్టి

బాలకృష్ణతో వర్క్  చేయడం మెమొరబుల్ ఎక్స్‌‌‌‌‌‌‌‌‌‌‌‌‌‌‌‌పీరియెన్స్ అని ఆది పినిశెట్టి అన్నారు. బాలయ్య,  బోయపాటి కాంబోలో రూపొందిన ‘అఖండ 2 : తాండవం’ చిత్రంలో ఆయన విలన్ పాత్ర పోషించారు. రామ్ ఆచంట, గోపి ఆచంట నిర్మించిన ఈ మూవీ డిసెంబర్ 5న ప్రేక్షకుల ముందుకొస్తోంది. ఈ సందర్భంగా  ఆది పినిశెట్టి  చెప్పిన విశేషాలు. 

బోయపాటి గారు నా పాత్ర  చెప్పినప్పుడు చాలా ఎక్సయిట్ అయ్యా.  మంత్రతంత్రాల చుట్టూ తిరిగే పాత్రలు నేను చేయలేదు. పైగా  బాలయ్య గారికి విలన్‌‌‌‌‌‌‌‌‌‌‌‌‌‌‌‌గా  అంటే సరిపోతానా అనే అనుమానం కలిగింది.  బోయపాటి గారి మీద నాకు చాలా నమ్మకం ఉంది. ‘సరైనోడు’లో వైరం ధనుష్ అనే పవర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఫుల్ రోల్ ఇచ్చారు. అలాంటి  పాత్రలు అయితే సొంతంగా ఊహించుకుని చేసుకోవచ్చు. కానీ ఇందులో పోషించిన పాత్ర మాత్రం నాకు ఓ ప్రయోగం లాంటిదే.  నా క్యారెక్టర్ కోసం కొన్ని రిఫరెన్స్‌‌‌‌‌‌‌‌‌‌‌‌‌‌‌‌లు ఇచ్చారు. అలానే  ప్రవర్తించాలి అని డైరెక్టర్  ముందే చెప్పారు. 

 బాలయ్య  గారి గురించి బయట చాలా వింటుంటాం. కానీ సెట్‌‌‌‌‌‌‌‌‌‌‌‌‌‌‌‌లో ఆయన ఎనర్జీ  వేరేలా ఉంటుంది.  ఆ ఎనర్జీని మ్యాచ్ చేయడం చాలా కష్టం. ఆయన ఉంటే సెట్‌‌‌‌‌‌‌‌‌‌‌‌‌‌‌‌లో పాజిటివ్ వైబ్స్ కనిపిస్తాయి.  మా నాన్న గారితో వర్క్ ఎక్స్‌‌‌‌‌‌‌‌‌‌‌‌‌‌‌‌పీరియెన్స్‌‌‌‌‌‌‌‌‌‌‌‌‌‌‌‌ని కూడా నాతో పంచుకున్నారు.  ‘అఖండ’ కంటే ‘అఖండ తాండవం’లో హై మూమెంట్స్ ఎక్కువగా ఉంటాయి.  బాలయ్య యాక్షన్, బోయపాటి మేకింగ్, తమన్ మ్యూజిక్, ఎలివేషన్స్‌‌‌‌‌‌‌‌‌‌‌‌‌‌‌‌ని చూస్తే పదివేల వాట్స్ కరెంట్ షాక్ కొట్టినట్టుగా ఉంటుంది. ఇక ప్రస్తుతం  ‘థండర్’ అనే స్పోర్ట్స్  డ్రామాని తమిళ, తెలుగు భాషల్లో చేస్తున్నా.  ‘మరకతమణి’ సీక్వెల్‌‌‌‌‌‌‌‌‌‌‌‌‌‌‌‌తోపాటు  కార్తితో కలిసి ‘మార్షల్’ మూవీలో నటిస్తున్నా’’.