భద్రాద్రికొత్తగూడెం, వెలుగు: కరెంట్తో చేపలు పట్టడానికి ప్రయత్నిస్తూ షాక్కు గురై ఓ వ్యక్తి మృతిచెందాడు. ఈ ఘటన భద్రాద్రి కొత్తగూడెం జిల్లా చుంచుపల్లి మండలంలో శుక్రవారం జరిగింది. కొత్తగూడెం చిట్టి రామవరం ప్రాంతానికి చెందిన బానోత్ కిషన్(37) కూలి పనులు చేస్తుంటాడు. పని దొరకనపుడు చుంచుపల్లి మండలం గోధుమ వాగులో చేపలు పట్టేందుకు వెళ్లేవాడు. ఎప్పటిలానే శుక్రవారం కూడా వెళ్లాడు. గాలం, వలతో కాకుండా కరెంట్తో చేపలు పట్టాలని ప్లాన్ చేశాడు. సమీపంలోని కరెంట్స్తంభం నుంచి వైర్లను లాగి చేపలు ఎక్కువగా తిరిగే ప్రాంతంలో వదిలాడు. దీంతో కరెంట్షాక్తగిలి కొన్ని చేపలు చనిపోయాయి. మరికొన్ని చేపలు పడుతుండగా ప్రమాదవశాత్తు కరెంట్ షాక్కు గురై కిషన్ అక్కడికక్కడే మృతిచెందాడు. మృతుడికి భార్య, ఇద్దరు పిల్లలున్నారు.
