వికారాబాద్, వెలుగు: అపోలో హోమ్ హెల్త్ కేర్ ప్రైవేట్ లిమిటెడ్ లో హోమ్ కేర్ నర్సెస్, హోమ్ కేర్ నర్సింగ్ అసిస్టెంట్స్, పేషెంట్ కేర్ అసిస్టెంట్స్ ఉద్యోగాల కోసం ఈ నెల 21న ఉదయం 10:30 గంటలకు జాబ్మేళా నిర్వహిస్తున్నట్టు జిల్లా ఉపాధి కల్పనాధికారి షేక్ అబ్దుస్ సుభాన్ తెలిపారు. ఐటీఐ క్యాంపస్ఆవరణలోని ఎంప్లాయ్మెంట్ ఆఫీసులో మేళా ఉంటుందన్నారు. 50కు పైగా పోస్టులు ఉన్నాయని,18 ఏండ్ల నుంచి 40 ఏండ్ల లోపు ఉండాలన్నారు.
జీడీఏ,ఎంపీహెచ్డబ్ల్యూ, ఏఎన్ఎం, జీఎన్ఎం, బీఎస్సీ నర్సింగ్, పోస్ట్ బీఎస్సీ నర్సింగ్, ఎంఎస్సీ నర్సింగ్ చదివిన వారు అర్హులన్నారు. పోస్టును బట్టి నెలకు రూ.10వేల నుంచి రూ.40 వేల జీతం ఉంటుందన్నారు. ఈ జాబ్స్అన్నీ హైదరాబాద్ లో ఉన్నాయని, వివరాలకు 9676047444 నంబర్లో సంప్రదించాలన్నారు.
