భాద్రపద పౌర్ణమి సెప్టెంబర్ 7వ తేదీ ఆదివారం .. ఈ ఏడాదిలో చివరి చంద్ర గ్రహణం ఏర్పడనుంది. ఇది రాహుగ్రస్త చంద్రగ్రహణం... సంపూర్ణ చంద్రగ్రహణం ఏర్పడుతుంది. చంద్ర గ్రహణ ప్రభావం తీవ్రంగా ఉండే సమయం, మధ్య సమయం.. పట్టు విడుపులసమయాల గురించి వివరంగా తెలుసుకుందాం. . .
రాహుగ్రస్త సంపూర్ణ చంద్రగ్రహణం కుంభరాశిలో శతభిషం.. పూర్వాభాద్ర నక్షత్రాలలో ఇది సంభవించును. భాద్రపద మాసం శుక్ల పక్ష పౌర్ణమి రోజున .. సెప్టెంబర్ 7న సంపూర్ణ చంద్రగ్రహణం సంభవిస్తుంది. ఈ గ్రహణం రాత్రి 9:58కి ప్రారంభమవుతుంది. గ్రహణ వ్యవధి మొత్తం 3.28 నిమిషాలు ఉంటుంది. సెప్టెంబర్ 7 రాత్రి 11:42 గంటలకు చంద్రుడు సంపూర్ణంగా కనపడడు. ఈ సమయంలో గ్రహణ ప్రభావం చాలా తీవ్రంగా ఉంటుందని జ్యోతిష్య నిపుణులు చెబుతున్నారు.
- గ్రహణం మొదలయ్యే సమయం ( గ్రహణ స్పర్శకాలం) : సెప్టెంబర్ 7 రాత్రి 9-58 గంటలకు
- గ్రహణం మధ్యలోకి వెళ్లే సమయం ( ఉన్మీలన కాలం): సెప్టెంబర్ 7 రాత్రి 10-58 గంటలకు .. గ్రహణం ప్రభావం తీవ్రతరంకావడం ప్రారంభిస్తుంది.
- గ్రహణ మధ్య కాలం : సెప్టెంబర్ 7 రాత్రి 11- 42 గంటలకు .. ఈ సమయానికి చంద్రుడు అసలు కనపడడు. ఈ సమయంలో గ్రహణం ప్రభావం చాలా తీవ్రంగా ఉంటుంది.
- గ్రహణం పూర్తిగా పట్టే సమయం (నిమీలన కాలం) : సెప్టెంబర్ 7 ( తెల్లవారితే 8 వతేది) రాత్రి12-24 గంటలకు .. ఇప్పటి వరకు గ్రహణ ప్రభావం అధికంగా ఉంటుంది.
- గ్రహణం విడవడం ప్రారంభించే సయం (గ్రహణ మోక్షకాలం) : సెప్టెంబర్ 7 రాత్రి ( తెల్లవారితే 8) 1–31 గంటలకు .. గ్రహణ ప్రభావం తగ్గడం ప్రారంభమవుతుంది.
- గ్రహణం పూర్తిగా ముగిసే సమయం (అద్యంత పుణ్యకాలం) : ( సెప్టెంబర్ 8) తెల్లవారుజామున 3-41 గంటలకు .. పూర్తిగా గ్రహణ ప్రభావం తగ్గుతుంది.
జపాలు .. అనుష్టానం చేసే వారు గ్రహణం స్పర్శకాలానికి ముందే స్నానం చేసి ఆ సమయానికి ప్రారంభించాలి. తరువాత గ్రహణం పూర్తిగా విడిచేంత వరకు అంటే సెప్టెంబర్ 8 వ తేది తెల్లవారు జామున 3.41 నిమిషాల వరకు జపం చేసి.. గ్రహణం విడుపు స్నానం చేసి.. దేవుడి మందిరాన్ని శుభ్రం చేసుకొని దీపారాధన చేయాలి. ఆ తరువాత శివాలయాన్ని.. నవగ్రహాలను దర్శించుకోవాలని పండితులు చెబుతున్నారు.
