ఆధ్యాత్మికం:  ఆదివారం పాటించాల్సిన నియమాలు ఇవే.. జుట్టు కత్తిరిస్తే ఆర్థిక ఇబ్బందులు వెంటాడుతాయి..

ఆదివారం సెలవు రోజు.. ఆ రోజు చాలా పనులు చేసుకొనేందుకు ప్లాన్​ వేసుకుంటారు.  కాని పురాణాల ప్రకారం.. ఆదివారం సూర్యభగవానుడికి అంకితం చేయడబడిన రోజు.  ఆరోజు కొన్ని పనులను చేయకూడదని పండితులు చెబుతున్నారు.  ఆరోజు హాలిడే అని చాలా మంది షేవింగ్​.. కటింగ్​ చేయించుకుంటారు.  కాని అలా చేస్తే జీవితంలో ఆర్థిక ఇబ్బందులు పడతారని పండితులు చెబుతున్నారు.  పండితులు తెలిపిన వివరాల ప్రకారం అసలు ఆదివారం ఎలాంటి పనులు చేయకూడదో ఈ స్టోరీలో  తెలుసుకుందాం. . .! 

పురాణాల ప్రకారం . ఆదివారం .. . సూర్య నారాయణుడికి చాలా ఇష్టమైన రోజు. ఆ రోజున కొన్ని నియమాలను పాటించాలని పురాణాల ద్వారా తెలుస్తుంది.  ఆరోజు కొన్ని పనులను ఎట్టిపరిస్థితిలో చేయకూడదని పండితులు చెబుతున్నారు.  అందుకే  ఆదివారం కొన్ని కార్యకలాపాలు నిషేధించబడ్డాయి. ఆధ్యాత్మిక వేత్తలు తెలిపిన వివరాల ప్రకారం.. ఆదివారం షేవింగ్​.. కటింగ్​ చేసుకుంటే ఆర్థిక ఇబ్బందులతో పాటు  జీవిత సమస్యలు పెరుగుతాయని చెబుతున్నారు.

ALSO READ : గుండెపోటు వచ్చినప్పుడు.. మంచినీళ్లు ఇవ్వడం సురక్షితమేనా?

హిందూ మతంలో వారంలోని ప్రతి రోజును ఏదో ఒక దేవీదేవతలకు అంకితం చేయడం జరిగింది. ఆదివారం  రోజున సూర్యుడికి ప్రత్యేక ప్రార్థనలు చేస్తారు. మాఘ మాసం .. శుభ మాసం జరుగుతోంది. ఈ నెలలో సూర్య ఆరాధన మరింత ఫలవంతమైనది పండితులు చెబుతున్నారు.

ఆదివారం  తప్పనిసరిగా సూర్య నమస్కారాలు చేయాలి.  ఆదిత్య హృదయం.. సూర్యాష్టకం పఠించాలి.  సూర్యునికి ఎదురుగా నిలబడి.. దోసెలతో నీళ్లు తీసుకొని సూర్యునికి చూపించి.. ఒక ప్లేట్​ లో వదలాలి.  ఇలా చేయడం వలన సూర్య భగవానుడి ఆశీస్సులతో పాటు పితృదేవతల శాపం నుంచి విముక్తి కలుగుతుందని చెబుతున్నారు. 

ALSO READ : వ్యాపారంలో నష్టాలా..శనివారం ఇలా చేయండి.! 

పురాణాల  ప్రకారం.. ఆదివారం ఉదయం స్నానం చేసిన తర్వాత సూర్యుడిని పూజించడం, ఉపవాసం ఉండటం వల్ల భగవంతుని ఆశీస్సులు లభిస్తాయి. జీవితంలోని అన్ని దుఃఖాలు తొలగిపోతాయి.

ఇనుము వస్తువులను కొనొద్దు :  ఆదివారం నాడు ఇనుముతో చేసిన ఏ వస్తువునూ కొనకండి. ఈ రోజున కొత్త కారు కొనడం కూడా నిషిద్ధం. ఈ రోజున కొత్త కారు కొనడం వల్ల ప్రమాదాలు జరిగే ప్రమాదం ఉందని పండితులు చెబుతుంటారు. అందుకే గృహనిర్మాణంలో ఇనుమును ఎక్కవుగా ఉపయోగించాల్సి ఉంటుంది. అందుకే ఆదివారం ఇల్లు ప్రారంభించకూడదని పండితులు చెబుతున్నారు. 

ALSO READ : కుంభరాశిలోకి కుజుడు.. ఈ రాశుల వారికి అద్భుత ఫలితాలు..

పశ్చిమ దిశలో ప్రయాణించడం మానుకోండి :  ఆదివారం నాడు పశ్చిమ దిశలో ప్రయాణించవద్దు. ఈ రోజున పశ్చిమ దిశలో ప్రయాణించడం అశుభమని భావిస్తారు. మీరు ఈ దిశలో ప్రయాణించాల్సి వస్తే, బయలుదేరే ముందు నెయ్యి తినండి. లేకపోతే మీరు తలపెట్టిన పనుల్లో ఆటంకాలు ఏర్పడుతాయని చెబుతున్నారు.

రావి చెట్టును పూజించవద్దు: ఆదివారం నాడు రావి చెట్టును పూజించవద్దు. హిందూ విశ్వాసాల ప్రకారం.. ఆదివారం నాడు రావి చెట్టును పూజించే ఎవరైనా వారి జీవితంలో పేదరికాన్ని అనుభవిస్తారు. 

తులసి మొక్కకు అంటుకోవద్దు..నీళ్లు పోయవద్దు:  పురాణాల ప్రకారం ఆదివారం తులసి మాత ఉపవాస దీక్షను పాటిస్తుంది.  అందువలన ఆరోజు తులసి మొక్కను పూజించాలి.  కాని ఎట్టి పరిస్థితిల్లో అంటుకోకూడదు. ఉపవాస దీక్షను పాటించడం వలన ఆదివారం రోజు  తులసి మొక్కకు నీరు పోయకూడదు. 

ALSO READ : Good Health:  ఇవి తింటే డిప్రెషన్ మాయం.. 

జుట్టు కత్తిరించవద్దు :  చాలామంది ఆదివారం సెలవు రోజని.. కటింగ్​.. షేవింగ్​ చేసుకుంటారు.  కాని పురాణాల ప్రకారం అలా చేస్తే ఆర్దిక ఇబ్బందులు పడతారని చెబుతారు. అందుకే పురాణాలు  ఆదివారాల్లో జుట్టు కత్తిరించడాన్ని నిషేధించాయి. కాబట్టి ఆ రోజున జుట్టు కత్తిరించుకోకండి. ఆ రోజున జుట్టు కత్తిరించడం వల్ల మీ జాతకంలో సూర్యుడు బలహీనపడతాడని నమ్ముతారు.

నలుపు, నీలం రంగు దుస్తులు ధరించవద్దు :  ఆదివారం నాడు నలుపు, నీలం రంగు దుస్తులు ధరించవద్దు. ఈ రోజున ఈ రంగులను ధరించడం నిషిద్ధం. సూర్య భగవానుడి అనుగ్రహం పొందడానికి, ఈ రోజు ఎరుపు రంగు దుస్తులు ధరించండి.

ALSO READ : యాలకుల వెనుక ఉన్న అసలు రహస్యం

Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని  పురాణాల ప్రకారం పండితులు నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించలేదు. మీకున్న ఆధ్యాత్మిక నిపుణులను సంప్రదించటం ఉత్తమం.