హైదరాబాద్,వెలుగు: ప్రధాని నరేంద్ర మోదీ జీవిత చరిత్ర, ఆలోచనపై హైదరాబాద్ హైటెక్స్ లో ప్రదర్శన జరిగింది. ‘మేరా దేశ్ పహ్లే అన్ టోల్డ్ స్టోరీ ఆఫ్ నరేంద్ర మోదీ’ పేరుతో మనోజ్ ముంతాషిర్ బృందంతో నృత్య ప్రదర్శన ఇచ్చారు. ఈ సందర్భంగా ప్రధాని మోదీ బాల్యం నుంచి ఆపరేషన్ సిందూర్ వరకూ వివిధ ఘట్టాలను చూపించారు.
ఈ కార్యక్రమానికి కేంద్రమంత్రి కిషన్ రెడ్డి, గవర్నర్ జిష్ణుదేవ్ వర్మ, మాజీ ఉపరాష్ట్రపతి వెంకయ్య నాయుడు, మాజీ గవర్నర్లు బండారు దత్తాత్రేయ, విద్యాసాగర్ రావు, ఎమ్మార్పీఎస్నేత మంద కృష్ణ మాదిగ, దిల్ రాజు, ఏలేటి మహేశ్వర్ రెడ్డి, పొంగులేటి సుధాకర్ రెడ్డి, చంద్రశేఖర్ తివారి, ఎంపీలు, ఎమ్మెల్యేలు, బీజేపీ నేతలు తదితరులు పాల్గొన్నారు.
ఈ సందర్భంగా కిషన్ రెడ్డి మాట్లాడుతూ.. మోదీ జీవిత చరిత్రపై జరిగిన ఈ ప్రదర్శన రాజకీయాలతో సంబంధం లేదన్నారు. మోదీ 24 ఏండ్లు సీఎంగా, ఆ తర్వాత ప్రధానిగా కొనసాగుతున్నారని తెలిపారు. ప్రతిరోజూ 18గంటల పాటు పనిచేస్తున్నారన్నారు.
