యువతలో మొబైల్ ఫోన్లపై, టీవీపై మోజు విపరీతంగా పెరిగిపోయింది. మహారాష్ట్రలోని సాంగ్లీలోని మోహితే వడ్గావ్ అనే గ్రామం దీన్ని పరిగణలోకి తీసుకుని, విద్యార్థులు, యువత మేధో సామర్థ్యాలపై ప్రతికూల ప్రభావం చూపకూడదని నిశ్చయించుకుంది. ఈ విలక్షణమైన కార్యక్రమంలో భాగంగా, గ్రామస్థులు ప్రతిరోజూ సాయంత్రం టీవీ, మొబైల్ ఫోన్‌లను గంటన్నర పాటు స్విచ్ ఆఫ్ చేయాలని నిర్ణయించుకున్నారు. ఈ కార్యక్రమం గత సంవత్సరమే ప్రారంభమైంది.
గ్రామంలోని విద్యార్థులు, యువకులను మొబైల్ పరికరాలు, టెలివిజన్‌లకు దూరంగా ఉండాలని గ్రామ అధికారులు ఈ ప్రాజెక్ట్‌ను ప్రారంభించారు. ఈ ప్రచారం విద్యార్థులు తమ చదువులపై దృష్టి కేంద్రీకరించడానికి, పుస్తకాలు చదవడంలో నిమగ్నమవ్వడానికి ఉపయోగపడుతుంది. మొబైల్ పరికరాలు, టెలివిజన్‌తో పిల్లల అటాచ్‌మెంట్ వారి ఆరోగ్యం, అభ్యాస సామర్థ్యాలపై హానికరమైన ప్రభావాన్ని చూపిస్తుందని గ్రామస్థులు ఈ నిర్ణయం తీసుకున్నారు. అప్పట్నుంచి చాలా మంది యువత, విద్యార్థుసు ఓ గంటన్నర పాటు ఈ సాధనాలకు దూరంగా ఉంటున్నారు..
కారణం
మోహితే వడగావ్ అనేది సాంగ్లీ జిల్లాలోని కడేగావ్ తాలూకాలోని ఒక గ్రామం. జనాభా 3105. కొవిడ్-19 మహమ్మారి ఇప్పటికే పిల్లల చదువుపై గణనీయమైన ప్రతికూల ప్రభావాన్ని చూపింది. అందువల్ల చాలా మంది విద్యార్థులు తమ చదువును కొనసాగించలేకపోయారు. ఈ పరిస్థితుల నేపథ్యంలో గతేడాది ఆగస్టు 14న స్థానిక సర్పంచ్‌ విజయ్‌ మోహిత గ్రామ మహిళలతో సమావేశాన్ని ఏర్పాటు చేసి తమ అభిప్రాయాలను పంచుకున్నారు. పరిస్థితి తీవ్రతను గుర్తించి పిల్లలు చదువు కోసం ప్రతిరోజూ సాయంత్రం గంటన్నర సమయం కేటాయించాలని నిర్ణయించారు.
మరోవైపు…
రాష్ట్రానికి చెందిన 15 మంది విప్లవకారులను ఉత్పత్తి చేయడంలో ఈ గ్రామం ప్రసిద్ధి చెందింది. స్వాతంత్ర్య పోరాటంలో ఈ ఊరిప్రజలు చురుకుగా పాల్గొన్నారు. ఇటీవల జరిగిన అమృత్ మహోత్సవ్ వేడుకల సందర్భంగా మోహితే వడ్గావ్ కూడా కొన్ని వినూత్న చర్యలు చేపట్టింది. గ్రామంలోని ప్రాథమిక, మాధ్యమిక పాఠశాలల్లో వరుసగా 130, 450 మంది విద్యార్థులు ఉన్నారు. విద్యార్థులు చదువుపై దృష్టి కేంద్రీకరించేందుకు సాయంత్రం వేళల్లో టీవీ, మొబైల్ లేని సమయంగా నియమించాలని నిర్ణయం తీసుకుంది.
