లోక్ సభ ప్రతిపక్ష నేత రాహుల్ గాంధీ కాన్వాయ్ కి ప్రమాదం జరిగింది. ఉత్తర ప్రదేశ్ లోని పూర్వాంచల్ ఎక్స్ ప్రెస్ వేపై కాన్వాయ్ లోని నాలుగు కార్లు , ఒక అంబులెన్స్ ఒకదానికొకటి ఢీకొట్టడంతో ప్రమాదం జరిగింది. ఈ ప్రమాదంలో పలువురు కార్యకర్తలకు గాయాలయ్యాయి. గాయపడిన కార్యకర్తలను ఆసుపత్రికి తరలించారు.
2026 అక్టోబర్ 26న జరిగిన ఈ ప్రమాదంలో రాహుల్ గాంధీ తృటిలో తప్పించుకున్నారు. హాలియాపూర్ పోలీస్ స్టేషన్ పరిధిలోని ఎక్స్‌ప్రెస్‌వేపై సమీపంలో ఈ ప్రమాదం జరిగింది . ఎక్స్ ప్రెస్ వే పై 89.5 కిలోమీటర్ల మార్క్ దగ్గర ఈ ప్రమాదం జరిగింది. ఎక్స్ ప్రెస్ వే పై ట్రాఫిక్ జామ్ అయ్యింది.
2018 పరువు నష్టం కేసులో సుల్తాన్ పూర్ కోర్టులో హాజరయ్యేందుకు వెళ్తున్న క్రమంలో ఈ ఘటన జరిగింది. కాన్వాయ్ అధిక వేగంతో వెళ్తుండగా, ఒక కారు సడెన్ గా బ్రేకులు వేయడంతో కార్లు ఒకదానికి ఒకటి ఢీకొన్నాయి. దీంతో వాహనాలు దెబ్బతిన్నాయి.
ఘటనకు గల కారణాలను రాహుల్ గాంధీ భద్రతా సిబ్బంది, పోలీసులు విశ్లేషిస్తున్నారు.
VIDEO | Sultanpur, Uttar Pradesh: Congress MP Rahul Gandhi's convoy involved in a minor collision on the Purvanchal Expressway; the Congress leader is safe and no one was seriously injured. (Source: Third Party) (Full video available on PTI Videos - https://t.co/bIyFWTfmBd) #RahulGandhi
— Press Trust of India (@PTI_News) October 26, 2026
