తనపై దాఖలైన క్రిమినల్ పరువు నష్టం కేసులో ప్రతిపక్ష నేత రాహుల్ గాంధీ సుల్తాన్ పూర్ ప్రత్యేక ఎంపీ, ఎమ్మెల్యే కోర్టుకు హాజరయ్యారు.2018లో బీజేపీ నేత అమిత్ షాపై చేసిన వ్యాఖ్యలతో దాఖలైన ఫిర్యాదుతో కేసు విచారణ సాగుతుండగా.. ఈ కేసులో తుది తీర్పును సుల్తాన్ పూర్ ప్రత్యేక ఎంపీ, ఎమ్మెల్యే కోర్టు వెలువరించనుండటంతో ప్రాధాన్యత సంతరించుకుంది.
2018మే లో బెంగళూరులో జరిగిన ఓ సమావేశంలో హోంశాఖ మంత్రి అమిత్ షాపై రాహుల్ గాంధీ అభ్యంతరకర వ్యాఖ్యలు చేశారని స్థానిక బీజేపీ నేత విజయ్ మిశ్రా కోర్టుకెక్కారు. ఈ కేసులో సుల్తాన్పూర్ ప్రత్యేక ఎంపీ, ఎమ్మెల్యే కోర్టు ప్రత్యేకంగా విచారణకు చేపట్టింది. రాహుల్ గాంధీ 2024ఫిబ్రవరి 20న బెయిల్ పొందారు. తుది వాదనలు ముగియడంతో ఇవాళ ప్రత్యేక కోర్టు తీర్పును వెలువరించనున్న క్రమంలో దేశ రాజకీయాల్లో ఆసక్తికరంగా మారింది.
ALSO READ : యూపీలో రాహుల్ గాంధీ కాన్వాయ్కి ప్రమాదం
ఇదిలా ఉండగా.. యూపీలోని సుల్తాన్ పూర్ కోర్టుకు హాజరవుతుండగా.. రాహుల్ గాంధీ కాన్వాయ్ స్వల్ప ప్రమాదానికి గురయ్యింది. హాలియాపూర్ పోలీస్ స్టేషన్ పరిధిలోని ఎక్స్‌ప్రెస్‌వేపై సమీపంలో ఈ ప్రమాదం జరిగింది . ఎక్స్ ప్రెస్ వే పై 89.5 కిలోమీటర్ల మార్క్ దగ్గర ఈ ప్రమాదం జరిగింది. ఎక్స్ ప్రెస్ వే పై ట్రాఫిక్ జామ్ అయ్యింది. అయితే ఈ ప్రమాదంనుంచి రాహుల్ గాంధీ సేఫ్ గా బయటపడ్డారు.
