హైదరాబాద్, వెలుగు: తమ ప్లాట్ఫారమ్ ద్వారా అమెరికా మార్కెట్లో సరుకులను అమ్మడానికి దరఖాస్తు చేసుకోవాలని ఇండియన్ సెల్లర్లను వాల్‌‌మార్ట్ కోరింది. వాల్‌‌మార్ట్ మార్కెట్‌‌ప్లేస్‌ ద్వారా ప్రతి నెలా 120 మిలియన్లకుపైగా అమెరికా షాపర్లకు సేవలు అందిస్తున్నామని తెలిపింది. ఇందుకోసం ఇండియన్ సెల్లర్లు తమ డెలివరీ ఇన్ఫ్రాస్ట్రక్చర్ను వాడుకోవచ్చని తెలిపింది. 2027 నాటికి భారతదేశం నుండి 10 బిలియన్ డాలర్ల విలువైన ఎగుమతులు సాధించాలనే టార్గెట్తో పనిచేస్తున్నట్టు తెలిపింది. ఇండియన్ సెల్లర్లు అమెరికా కస్టమర్లను చేరుకునేలా వారికి సహాయపడేందుకు ప్రత్యేకంగా క్రాస్బోర్డర్ ట్రేడ్ టీమ్ను ఏర్పాటు చేశామని పేర్కొంది.
