మడగాస్కర్లో నిర్వహించిన క్రీడా పోటీల్లో తొక్కసలాట జరిగి 13 మంది ప్రాణాలు కోల్పోగా.. పదుల సంఖ్యలో గాయపడ్డారు. ప్రత్యక్ష సాక్ష్యులు తెలిపిన వివరాల ప్రకారం.. ద్వీప దేశమైన మడగాస్కర్రాజధాని అంటాననారివోలో 11వ ఇండియన్ ఓషియన్స్పోర్ట్స్పోటీలు ప్రారంభించారు.
ఈ ఈవెంట్కు సుమారు 50 వేల మంది క్రీడాభిమానులు అటెండ్ అయ్యారు. జనాలు గుమి గూడటంతో స్టేడియం వద్ద తొక్కసలాట జరిగింది. ఒకరిపై ఒకరు పడి చాలా మంది గాయాలపాలయ్యారు. ఈ ఘటనలో 13 మంది అక్కడికక్కడే మృతి చెందగా.. 80 మందికి పైగా తీవ్రంగా గాయపడ్డారు. అధికారులు అప్రమత్తమై క్షతగాత్రులను ఆసుపత్రికి తరలించారు.
మడగాస్కర్ అధ్యక్షుడు ఆండ్రీ రాజోలినా ఘటనపై సంతాపం వ్యక్తం చేశారు. ఒకరినొకరు తోసుకోవడం వల్లే ప్రమాదం జరిగిందని తెలిపారు. నైరుతి హిందూ మహాసముద్ర దీవుల్లో ప్రతి నాలుగేళ్లకొకసారి ఈ క్రీడా పోటీలను నిర్వహిస్తున్నామని, ఇలాంటి ఘటన జరగడం ఇదే తొలి సారని.. మృతుల కుటుంబాలకు సంతాపం ప్రకటిస్తున్నట్లు తెలిపారు.
