- ఐదంతస్తుల నుంచి పడి బాలిక మృతి
మియాపూర్, వెలుగు: నిర్మాణంలో ఉన్న ఐదంతస్తుల బిల్డింగ్నుంచి పడి 14 ఏండ్ల బాలిక మృతి చెందింది. పోలీసుల వివరాల ప్రకారం.. ఛత్తీస్గఢ్కు చెందిన పునీత్ తన భార్య, కూతురు అకాషాని(14), కొడుకుతో కలిసి నగరానికి వలస వచ్చాడు. మియాపూర్ రెడ్డి కాలనీలో నివాసం ఉంటూ అక్కడి ప్లాట్ నంబర్ 9 జరుగుతున్న భవన నిర్మాణంలో మెస్త్రీగా పనిచేస్తున్నాడు.
శుక్రవారం పునీత్ తన భార్యతో కలిసి భవనం ఐదో అంతస్తులో నిర్మాణ పనులు చేస్తున్నారు. మధ్యాహ్నం 2 గంటల సమయంలో వారి కుమార్తె అకాషాని.. తమ్ముడికి జ్వరం మందులు వేయాలనే విషయం చెప్పేందుకు ఐదో అంతస్తులో ఉన్న తల్లిదండ్రుల వద్దకు వెళ్లింది. మెట్ల నుంచి తిరిగి కిందకు వస్తుండగా ప్రమాదవశాత్తు కాలు జారి గ్రౌండ్ ఫ్లోర్లో పడిపోయింది. తీవ్ర గాయాలైన బాలికను ఆస్పత్రికి తరలించగా, చికిత్స పొందుతూ అర్ధరాత్రి మృతి చెందింది.
బాధిత తల్లిదండ్రుల ఫిర్యాదు మేరకు ఈ ఘటనపై మియాపూర్ పోలీసులు కేసు నమోదు చేసి దర్యాప్తు చేస్తున్నారు. కాగా, నిర్మాణంలో ఉన్న ఈ ఐదంతస్తుల బిల్డింగ్కు ఎటువంటి పర్మిషన్ లేదని, భవన నిర్మాణదారుడు ఓ జాతీయ పార్టీ నాయకుడు కావడంతోనే పోలీసులు, టౌన్ ప్లానింగ్ అధికారులు చర్యలు తీసుకోవడం లేదని స్థానికులు ఆరోపిస్తున్నారు.
