హైదరాబాద్ సిటీ, వెలుగు: జీహెచ్ఎంసీ విస్తరణ అనంతరం ఉద్యోగుల బదిలీలు, పోస్టింగ్లు వేగంగా జరుగుతున్నాయి. రోజుకో విభాగంలో ట్రాన్స్ఫర్లు జరుగుతుండగా, బుధవారం కీలకమైన అసిస్టెంట్ మున్సిపల్ కమిషనర్ల (ఏఎంసీ) బదిలీలు జరిగాయి. ఒక్కసారిగా 144 మంది ఏఎంసీలను బదిలీ చేస్తూ కమిషనర్ ఆర్వీ కర్ణన్ ఉత్తర్వులు జారీ చేశారు.
ఒక్కో సర్కిల్కు ఇద్దరు నుంచి నలుగురు ఏఎంసీలను నియమిస్తూ పోస్టింగ్లు ఇచ్చారు. అలాగే పలువురు ఇంజినీర్ల బదిలీలు జరిగాయి. జోన్ స్థాయిలో సూపరింటెండింగ్ ఇంజినీర్లు (ఎస్ఈ), సర్కిల్ స్థాయిలో ఎగ్జిక్యూటివ్ ఇంజినీర్లకు (ఈఈ) బాధ్యతలు అప్పగిస్తూ ఉత్తర్వులు జారీ చేశారు.
