భద్రాద్రికొత్తగూడెం/భద్రాచలం, వెలుగు: ఒడిశా నుంచి భద్రాచలం మీదుగా హైదరాబాద్స్మగ్లింగ్చేస్తున్న 404 కిలోల గంజాయిని శనివారం భద్రాచలం పోలీసులు పట్టుకున్నారు. కొత్తగూడెం ఎస్పీ బి.రోహిత్ రాజు తెలిపిన వివరాల ప్రకారం.. హర్యానాకు చెందిన బల్జీత్, రవిదాస్, గిన్న, తక్ ధీర్, రామ్మెహర్, సుందర్, రాజ్ పతి ఒడిశాలోని కోలా ఆనంద్ అలియాస్ బుజ్జి, బాల్ రెడ్డి వద్ద 404 కిలోల గంజాయిని కొన్నారు.
చిన్నచిన్న ప్యాకెట్లుగా మార్చి డోర్ మ్యాట్లు, ట్రేల మధ్యలో అమర్చారు. ఎవరికీ అనుమానం రాకుండా ఓ ప్రైవేట్ట్రావెల్స్బస్సు పైభాగంలో లోడ్చేశారు. శనివారం తెల్లవారుజామున భద్రాచలంలో పోలీసులు ఆపి తనిఖీ చేస్తుండగా, ఓ వ్యక్తి బస్సు దిగి పారిపోయేందుకు ప్రయత్నించాడు. అనుమానుంతో బస్సు మొత్తం తనిఖీ చేయగా డోర్ మ్యాట్లు, వాటర్ బాటిళ్లు, ట్రేలలో భారీ మొత్తంలో గంజాయి దొరికింది. ఏడుగురిని అదుపులోకి తీసుకుని విచారణ చేస్తున్నట్లు ఎస్పీ తెలిపారు.
