- తప్పొప్పుల పట్టికను ప్రచురించిన కేంద్రం
- చట్టంలో ఉన్న డీలిమిటేషన్ వాక్యమూ తొలగింపు
న్యూఢిల్లీ: జమ్మూ కాశ్మీర్ ను రెండు యూనియన్ టెర్రిటరీలుగా విభజించేందుకు కేంద్ర ప్రభుత్వం తీసుకొచ్చిన జమ్మూ కాశ్మీర్ రీఆర్గనైజేషన్ యాక్ట్లో 52 చిన్న చిన్న తప్పులు దొర్లాయి. కొన్ని చోట్ల స్పెల్లింగ్మిస్టేక్స్, కొన్ని చోట్ల పదాలు, మరికొన్ని చోట్ల సంవత్సరాలు మారిపోయాయి. వీటన్నింటినీ సవరిస్తూ కేంద్రం గురువారం మూడు పేజీల తప్పొప్పుల పట్టిక(కొరియాండం)ను ప్రచురించింది. జమ్మూకాశ్మీర్లోని పార్లమెంటరీ నియోజకవర్గాలను పునర్విభజించాలని చట్టంలో పేర్కొన్నారు. అయితే, ఆ వాక్యాన్ని ఇప్పుడు వదిలేసి చదువుకోవాలని తప్పొప్పుల పట్టికలో స్పష్టం చేసింది. కాగా, జమ్మూ కాశ్మీర్ రీఆర్గనైజేషన్ యాక్ట్లో ‘యూనియన్ టెర్రిటరీ ఆఫ్ జమ్మూ అండ్కాశ్మీర్’ అని ఉండాల్సిన చోట ‘స్టేట్ఆఫ్ జమ్మూ అండ్కాశ్మీర్’ ఉంది. ఇనిస్టిట్యూషన్స్ యాక్ట్ 2004 అనేది 2005గా మారింది. 1909 అనేది 1951గా వచ్చింది. అలాగే షెడ్యూల్డ్ క్యాస్ట్స్, టెర్రిటరీస్, షరియత్వంటి పదాల్లోనూ అక్షర దోషాలు రాగా, వాటన్నింటినీ కేంద్రం సవరించింది.