రేవల్లి, వెలుగు : మండలంలోని చిర్కపల్లి గ్రామానికి చెందిన 62 మంది బీఆర్ఎస్ నేతలు సోమవారం గాంధీ భవన్లో మాజీ జడ్పీటీసీ రాజేశ్వర్ రెడ్డి, మాజీ సర్పంచ్ భాస్కర రావు, ఎంపీటీసీ వల్లమ్మ, రవీందర్ రెడ్డి ఆధ్వర్యంలో కాంగ్రెస్ పార్టీలో చేరారు. రాష్ట్ర ప్రణాళిక సంఘం ఉపాధ్యక్షుడు జి చిన్నారెడ్డి వారికి కాంగ్రెస్ కండువాలు
కప్పి పార్టీలోకి ఆహ్వానించారు. ఈ సందర్భంగా వారు మాట్లాడుతూ కాంగ్రెస్ పార్టీలో చేరడం గర్వంగా ఉందని, అభివృద్ధి కాంగ్రెస్ పార్టీతోనే సాధ్యమవుతుందనే నమ్మకంతో చేరామని తెలిపారు. పార్టీ ఆదేశాల మేరకు నడుచుకుంటామని చెప్పారు.
