ములకలపల్లి, వెలుగు: హాస్టల్కు వెళ్లడం ఇష్టం లేక ఓ బాలిక ఆత్మహత్య చేసుకుంది. కుటుంబ సభ్యులు, స్థానికులు తెలిపిన ప్రకారం.. భద్రాద్రి కొత్తగూడెం జిల్లా ములకలపల్లి మండలం మూకమామిడి గ్రామానికి చెందిన వేముల ఉమ(14) అశ్వారావుపేటలోని ఓ హాస్టల్లో ఉంటూ 8వ తరగతి పూర్తి చేసింది.
సోమవారం స్కూళ్లు ప్రారంభం కావడంతో 9వ తరగతిలో చేరాల్సి ఉంది. హాస్టల్కు వెళ్లబోనని ఉమ చెప్పింది. తల్లి శివపార్వతి తన చిన్న కూతురును హాస్టల్లో చేర్పించేందుకు అశ్వారావుపేటకు వెళ్లింది. ఇంట్లో ఒంటరిగా ఉన్న ఉమ హాస్టల్కు వెళ్లడం ఇష్టం లేక ఉరి వేసుకుంది. ఉమ తండ్రి వీరస్వామి ఆరేండ్ల క్రితం మృతిచెందాడు. తల్లి కూలి పనులు చేస్తూ ఇద్దరు పిల్లలను పోషిస్తోంది.
