చార్మినార్, వెలుగు: శాలిబండలోని ఫాతిమా హాస్పిటల్లో ఇంజెక్షన్ వికటించి 9 నెలల బాలుడు మృతిచెందాడు. కాలపత్తర్ ప్రాంతానికి చెందిన మహమ్మద్ ఇస్మాయిల్ తన కుమారుడు మహమ్మద్ హమ్జాకు జ్వరం రావడంతో సోమవారం ఉదయం ఫాతిమా దవాఖానకు తీసుకెళ్లాడు. డాక్టర్ల సూచనతో బాలుడిని హాస్పిటల్లో అడ్మిట్చేశాడు.
హై ఫీవర్ ఉన్నందున ఇంజెక్షన్ ఇవ్వొద్దని తండ్రి కోరినప్పటికీ, డాక్టర్ అవేజ్ మిర్జా ఇంజెక్షన్ ఇచ్చారు. ఆ వెంటనే బాలుడి నోటి నుంచి నురగలు రావడంతో రాత్రి ఐసీయూకి తరలించారు. పరిస్థితి విషమించడంతో నిలోఫర్ దవాఖానకు తీసుకెళ్లాలని సూచించారు. అక్కడికి తరలించగా.. హమ్జా అప్పటికే మృతి చెందినట్లు డాక్టర్లు తెలిపారు. ఫాతిమా హాస్పిటల్డాక్టర్ల నిర్లక్ష్యం వల్లే తన కుమారుడు చనిపోయాడని ఇస్మాయిల్ పోలీసులకు ఫిర్యాదు చేశాడు. ఈ మేరకు ఫాతిమా దవాఖాన యాజమాన్యంపై కేసు నమోదు చేసుకొని దర్యాప్తు చేస్తున్నట్లు సీఐ మహేశ్గౌడ్ పేర్కొన్నారు.
