రంగారెడ్డి జిల్లా రాజేంద్రనగర్ పీవీఎన్ఆర్ ఎక్స్ ప్రెస్ వేపై ఘోర రోడ్డు ప్రమాదం జరిగింది. పీవీఎన్ఆర్ ఎక్స్ ప్రెస్ వే పై వరుసగా నాలుగు కార్లు ఢీకొన్నాయి. ఈ ప్రమాదంలో నాలుగు కార్లు కూడా ధ్వంసం అయ్యాయి. ఇద్దరికి స్వల్ప గాయాలయ్యాయి. ఈ ఘటనతో దాదాపు కిలోమీటర్ వరకూ ట్రాఫిక్ స్తంభించింది. శనివారం (సెప్టెంబర్ 16న ) తెల్లవారుజామున పిల్లర్ నెంబర్ 139 వద్ద ఈ ప్రమాదం జరిగింది.
శంషాబాద్ నుంచి మెహిదీపట్నం వైపు వెళ్తున్న ఓ వ్యాన్ పీవీఎన్ఆర్ ఎక్స్ ప్రెస్ వే పిల్లర్ నంబర్ 139 వద్ద అకస్మాత్తుగా ఆగింది. వెనకాల వస్తున్న కారు దానిని తప్పించే క్రమంలో డివైడర్ ను ఢీకొంది. దాని వెనకాల వచ్చిన మరో మూడు కార్లు వరుసగా ఒకదానికి ఒకటి ఢీకొన్నాయి. ఈ ప్రమాదంలో నాలుగు కార్లు ధ్వంసమయ్యాయి.
ALSO READ: సర్కార్ హాస్టల్స్లో ఉన్న సౌలత్లపై రిపోర్ట్ ఇవ్వండి.. హైకోర్టు ఆదేశం
విషయం తెలియగానే రాజేంద్రనగర్ ట్రాఫిక్ పోలీసులు ఘటనా స్థలానికి చేరుకున్నారు. పరిస్థితిని అదుపులోకి తీసుకొచ్చారు. వాహనాలను నియంత్రించారు. ధ్వంసమైన కారులను అక్కడి నుంచి తరలించారు.
