హైదరాబాద్, వెలుగు: స్కూల్ ఎడ్యుకేషన్ ఇన్చార్జ్ డైరెక్టర్గా ఎ. శ్రీదేవసేనను సర్కారు నియమించింది. ఈ మేరకు మంగళవారం విద్యాశాఖ సెక్రటరీ యోగితారాణా జీవో నంబర్ 206ని జారీ చేశారు. ప్రస్తుత డైరెక్టర్నవీన్ నికోలస్ ఈ నెల 13 నుంచి 31 వరకు వ్యక్తిగత సెలవులో ఉన్నారు. దీంతో ఆయన స్థానంలో సీనియర్ ఆఫీసర్ శ్రీదేవసేనకు పూర్తి అదనపు బాధ్యతలు (ఎఫ్ఏసీ) అప్పగించారు.
శ్రీదేవసేన ప్రస్తుతం కాలేజీయేట్ అండ్ టెక్నికల్ ఎడ్యుకేషన్ కమిషనర్గా కొనసాగుతున్నారు. తదుపరి ఉత్తర్వులు వచ్చేంత వరకూ లేదా నవీన్ నికోలస్ తిరిగి వచ్చేంత వరకూ ఆమె డైరెక్టర్గా కొనసాగుతారని ఆదేశాల్లో పేర్కొన్నారు.
