జూబ్లీహిల్స్,వెలుగు: ఓ యువతి ట్రాఫిక్ రూల్స్ ఉల్లంఘించడమే కాకుండా డ్యూటీలో ఉన్న ట్రాఫిక్ హోంగార్డును బూతులు తిడుతూ రెచ్చిపోయిన ఘటన బంజారాహిల్స్ పీఎస్ పరిధిలో శనివారం రాత్రి చోటు చేసుకుంది. పోలీసులు తెలిపిన ప్రకారం.. రాత్రి 8.30 ప్రాంతంలో టీఎస్07 ఈఎమ్1444 నంబర్ జాగ్వార్ కారులో ఓ యువతి బంజారాహిల్స్ లోని అగ్రసేన్ సర్కిల్ నుంచి అపోజిట్లో వెళ్తూ ఎదురుగా రావడంతో ట్రాఫిక్ హోంగార్డు విగ్నేశ్ అడ్డుకున్నాడు .
దీంతో ఆమె కారు దిగి “ నన్నే ఆపుతావా’’ అంటూ ఆవేశంతో ఊగిపోయింది. బూతులు తిడుతూ హల్ చల్ చేసింది. అతని డ్రెస్ చింపడమే కాకుండా ఫోన్ కూడా పగలగొట్టింది. దీంతో హోంగార్డు విగ్నేశ్ బంజారాహిల్స్ పీఎస్ లో ఫిర్యాదు చేయగా యువతిపై 352,504,332 సెక్షన్ల కింద కేసు నమోదు చేశారు.