ఆది సాయికుమార్ హీరోగా ఫణి కృష్ణ సిరికి తెరకెక్కిస్తున్న రొమాంటిక్ ఎంటర్టైనర్ ‘సైరాబాను’. హాస్య మూవీస్ బ్యానర్పై రాజేష్ దండా నిర్మిస్తున్నారు. కృష్ణకాంత్ పరుచూరి కో ప్రొడ్యూసర్. స్వాతంత్ర్య దినోత్సవం సందర్భంగా ఈ మూవీ ఫస్ట్ లుక్ను విడుదల చేశారు.
ఇందులో ఆది సాయికుమార్ హిందూ సంప్రదాయ దుస్తుల్లో బైక్ నడుపుతుండగా, తన వెనుక హీరోయిన్ బాంధవి శ్రీధర్ నల్లటి హిజాబ్తో కూర్చుని ఉంది. బ్యాక్గ్రౌండ్లో ఓ వైపు దేవాలయం, మరోవైపు మసీదు కనిపిస్తున్నాయి. రెండు విభిన్న మతాలు, సంస్కృతుల నేపథ్యంలో రూపొందుతున్న ఈ చిత్రం శరవేగంగా షూటింగ్ జరుగుతోంది. శేఖర్ చంద్ర సంగీతం అందిస్తున్నాడు.
