డిఫరెంట్ కాన్సెప్ట్లను సెలెక్ట్ చేసుకుంటూ నటుడిగా తనకంటూ స్పెషల్ ఇమేజ్ తెచ్చుకున్నాడు సూర్య. ప్రస్తుతం ‘కంగువ’ అనే మరో ప్రయోగాత్మక చిత్రంతో ప్రేక్షకుల ముందుకు రాబోతున్నాడు. శివ దర్శకత్వంలో తెరకెక్కుతోన్న ఈ పీరియాడికల్ యాక్షన్ డ్రామాను స్టూడియో గ్రీన్, యూవీ క్రియేషన్స్ సంస్థలు భారీ బడ్జెట్తో నిర్మిస్తున్నాయి. ఇప్పటికే విడుదల చేసిన ఫస్ట్ లుక్, టీజర్ సినిమాపై అంచనాలు పెంచాయి.
తాజాగా ముంబైలో ‘కంగువ’ గ్లింప్స్ రిలీజ్ ఈవెంట్ జరిగింది. ఈ కార్యక్రమంలో హీరో సూర్యతో పాటు మూవీ టీమ్ పాల్గొన్నారు. ఈ సందర్భంగా సూర్య మాట్లాడుతూ ‘ఇలాంటి గొప్ప సినిమాలో నటించే అవకాశం రావడం అదృష్టంగా భావిస్తున్నా. మన కోరికను ఈ యూనివర్స్ విని అది జరిగేలా చేస్తుందని నమ్ముతాను. అది కంగువ విషయంలోనూ జరిగింది. ఈ సినిమా షూటింగ్ ప్రారంభించినప్పటి నుంచి రోజు రోజుకూ మూవీ మరింత బిగ్ ప్రాజెక్ట్గా మారుతూ వచ్చింది.
అందుకు మా డైరెక్టర్ శివకు థ్యాంక్స్ చెప్పాలి. ఒక కొత్త పాత్రలోకి మారిపోవడం ఎక్సయిటింగ్గా ఉంటుంది. నటుడిగా పాతికేళ్ల అనుభవం తర్వాత ఈ సినిమాకు ఎక్సయిట్ అయి చేశా. 150 రోజులకు పైగా చేసిన షూట్లో ప్రతి రోజూ ఆ ఎక్సయిట్మెంట్ ఎక్స్పీరియెన్స్ చేశా. ఈ సినిమా మాకెంతో స్పెషల్. అందరికీ నచ్చుతుందని ఆశిస్తున్నా’ అని అన్నాడు. ఇది సూర్య కెరీర్లో 42వ చిత్రం. తనకు జంటగా దిశాపటానీ నటిస్తుండగా బాబీడియోల్ కీ రోల్ చేస్తున్నాడు. పాన్ వరల్డ్ మూవీగా పది భాషల్లో త్రీడీ ఫార్మట్లో ఈ చిత్రాన్ని రూపొందిస్తున్నారు. దేవిశ్రీ ప్రసాద్ సంగీతం అందిస్తున్నాడు.