ఉత్తరాఖండ్లో హెలికాప్టర్ ప్రమాదం జరిగింది. కేదారీనాథ్ లో శనివారం (మే17) ఎయిమ్స్ రిషికేష్ హెలీ అంబులెన్స్ సర్వీస్ కు చెందిన హెలీకాప్టర్ వెనుకభాగం విరిగిపోవడంతో అత్యసవర ల్యాండింగ్ చేశారు. ఈ ప్రమాదంలో ప్రయాణించేవారు సురక్షితంగా బయటపడ్డారు. కేదారీనాథ్ లో ఈ హెలీకాప్టర్ ను అత్యవసర వైద్య సేవలకు వినియోగించినట్లు తెలుస్తోంది. ఎత్తయిన ప్రాంతానికి వెళ్తుండగా హెలీకాప్టర్ వెనకభాగం విరిగిపోయి టెక్నికల్ ప్రాబ్లమ్స్ రావడంతో అత్యవసరంగా ల్యాండింగ్ చేశారు. ఈ హెలీకాప్టర్ లో ప్రయాణిస్తున్న - పైలట్ (కెప్టెన్), డాక్టర్, వైద్య సిబ్బంది ఒకరు - సురక్షితంగా బయటపడ్డారు.
ప్రయాణికులందరూ సురక్షితంగా ఉన్నారు.. పైలట్, ఆన్ బోర్డు సిబ్బంది సకాలంలో స్పందించడం వల్ల ప్రాణనష్టం జరగలేదని గర్వాల్ కమిషనర్ వినయ్ శంకర్ పాండే చెప్పారు.
►ALSO READ | ఇంత దారుణమా.. సిగరెట్ ఇవ్వలేదని సాఫ్ట్వేర్ ఇంజినీర్ను కారుతో గుద్ది చంపాడు
కేదార్‌నాథ్‌లో పేషెంట్ కోసం హెలి-అంబులెన్స్ వెళ్లిందని, ల్యాండింగ్ సమయంలో సాంకేతిక లోపం తలెత్తడంతో హెలికాప్టర్ దెబ్బతిందని తెలిపారు. హెలికాప్టర్ వెనుక భాగం దెబ్బతిన్నట్లు చూపించే వీడియో కూడా బయటకు వచ్చింది. ఈ ప్రమాదం మే నెలలో రెండోది. మే 8న ఉత్తరాఖండ్‌లోని ఉత్తరకాశి జిల్లాలో ఏడు సీట్ల హెలికాప్టర్ గంగోత్రి సమీపంలో కూలిపోయింది.ఈ ప్రమాదంలో ఆరుగురు మృతిచెందగా ఒకరు గాయపడ్డారు.
