హైదరాబాద్: తాను షేర్వాణి కింద ఖాకీ నిక్కర్ ధరిస్తానంటూ పీసీసీ చీఫ్ రేవంత్ రెడ్డి చేసిన కామెంట్లకు ఎంఐఎం చీఫ్ అసదుద్దీన్ ఓవైసీ కౌంటర్ ఇచ్చారు. ‘రేవంత్ రెడ్డి ఆర్ఎస్ఎస్ కీలు బొమ్మ. మీకు చెప్పడానికి ఏమీ లేనప్పుడు మా బట్టల గురించి మాట్లాడటం మొదలు పెడ్తరు. దీనినే డాగ్ విజిల్ పాలిటిక్స్ అంటరు. రేవంత్ ఆర్ఎస్ఎస్ నుంచి వచ్చాడు. ఆ సంస్థతో అతడికి ఇప్పటికీ కనెక్షన్ ఉంది. ఆయన్ను ఆర్ఎస్ఎస్ చీఫ్ మోహన్ భగవత్ కంట్రోల్ చేస్తున్నడు’ అని ఓవైసీ ఆరోపించారు.
