మెక్సికన్ ఓపెన్‌ నుంచి సస్పెన్షన్
అకాపుల్కో: జర్మనీ టెన్నిస్ స్టార్‌ అలెగ్జాండర్‌ జ్వెరెవ్.. మెక్సికన్ ఓపెన్‌ టోర్నీలో సహనం కోల్పోయాడు. డబుల్స్‌ మ్యాచ్‌లో ఓటమిని తట్టుకోలేక.. అంపైర్ను బూతులు తిట్టి చైర్ను బలంగా కొడుతూ రాకెట్‌ను విరగ్గొట్టాడు. దీనిపై ఆగ్రహించిన ఆర్గనైజర్స్.. రూల్స్‌ బ్రేక్‌ చేసినందుకు జ్వెరెవ్‌ను టోర్నీ నుంచి సస్పెండ్‌ చేశారు. మంగళవారం రాత్రి జ్వెరెవ్–మెలో జోడీ 2–6, 6–4, 6–10తో లాయిడ్ హీలియోవోరా చేతిలో ఓడింది. అయితే లాస్ట్‌ సెట్‌లో లాయిడ్ కొట్టిన ఓ షాట్‌పై జ్వెరెవ్ ప్రొటెస్ట్‌ చేయగా, చైర్ అంపైర్ రిజెక్ట్ చేశాడు. దీంతో తీవ్ర ఆగ్రహానికి లోనైన జ్వెరెవ్ అంపైర్ను తిట్టాడు. మ్యాచ్ పూర్తయ్యాక అంపైర్ దగ్గరికొచ్చి మరోసారి తిడుతూ రాకెట్‌ను చైర్‌కేసి బలంగా కొట్టి విరగ్గొట్టాడు. జ్వెరెవ్ తీరుపై టెన్నిస్ వర్గాలు ఆగ్రహం వ్యక్తం చేశాయి.
