గంగూభాయి కతియావాడి సినిమాకు గానూ ఆలియా భట్నేషనల్ అవార్డు కొల్లగొట్టింది. తన సంతోషాన్ని తాజాగా ఆమె ఇన్స్టాగ్రామ్లో షేర్ చేసింది. ఈ సందర్భంగా నేషనల్ అవార్డుకు ఎంపికైన మరో నటి కృతి సనన్పై పొగడ్తలు కురిపించింది. అవార్డు రావడం సంతోషంగా ఉంది. ఇదంతా ప్రేక్షకుల వల్లే సాధ్యమైంది.
కృతి సనన్ నటించిన మిమీ సినిమా చూసి నేను చాలా సేపు ఏడుస్తూ ఉండిపోయాను. వెంటనే కృతికి మెసేజ్ చేశాను. ఆమె ఈ సినిమాలో అద్భుతంగా నటించింది. జాతీయ అవార్డుకు కృతి సనన్ అర్హురాలు అంటూ తన నోట్లో ఆలియా పేర్కొంది.
కృతి సనన్ మిమీ అనే సినిమాలో గర్భవతిగా నటించి మెప్పించింది. ఇక కృతి సైతం దీనిపై ఆలియాకు కృతజ్ఞతలు తెలిపింది. పార్టీకి రెడీగా ఉండు అంటూ రిప్లై ఇచ్చింది. ఈ అవార్డుల ప్రకటనతో బాలీవడ్లో ఈ ఇద్దరు హీరోయిన్ల పేరు మరోసారి మార్మోగిపోతోంది.
