- తునికాకు బోనస్ కోసం కొడిశెలమిట్ట గ్రామస్తుల అల్టిమేటం
కొత్తగూడ,(గంగారం)వెలుగు : తమకు రావాల్సిన తునికాకు బోనస్ డబ్బులు ఇవ్వకపోతే తాము ఎన్నికలను బహిష్కరిస్తామని మహబూబాబాద్ జిల్లా గంగారం మండలం కొడిశెలమిట్ట గిరిజనులంతా అల్టమేటం జారీ చేశారు. ఈమేరకు తహసీల్దార్ రాము,ఎంపీడీవో అపర్ణలకు వేరు వేరుగా వినతి పత్రాలు ఇచ్చారు.2016 నుండి 2021 వరకు తాము తునికాకు కూలీలుగా ఆకు సేకరించామన్నారు.
అందుకు మాకు రావాల్సిన బోనస్ డబ్బులు రాలేదన్నారు.ఏన్ని సార్లు ఫారెస్ట్ ఆఫీసర్లకు విన్నవించిన పట్టించుకోవడం లేదని, అందుకే ఈనెల 30 న జరిగే ఎన్నికలను బహిష్కరించాలని గ్రామస్తులందరం నిర్ణయించుకున్నామనిపేర్కోన్నారు.
