వాషింగ్టన్: అమెరికా భూభాగమైన అలస్కాకు దగ్గరగా వచ్చిన రష్యన్ మిలటరీ ఎయిర్ క్రాఫ్ట్స్, ఫైటర్ జెట్స్ను యూఎస్ ఎయిర్ డిఫెన్స్ ఫోర్స్ తరిమికొట్టింది. సోమవారం ఈ ఘటన జరిగినట్లు వివరించింది. రష్యన్ ఫైటర్ జెట్స్ అమెరికా, కెనడా ఎయిర్స్పేస్లోకి ఎంటర్ కాలేదని, ఎలాంటి ప్రమాదం కలిగించలేదని నార్త్ అమెరికన్ ఏరోస్పేస్ డిఫెన్స్ కమాండ్ తెలిపింది. రష్యాకు చెందిన టీయూ- 95 బేర్‌ హెచ్‌ మిసైల్ క్యారియర్లు, సుఖోయ్‌ 35 ఫైటర్ జెట్‌‌లు అలస్కా ఎయిర్ డిఫెన్స్ ఐడెంటిఫికేషన్ జోన్ దగ్గరికి వచ్చాయని వివరించింది. ఇది గుర్తించి వెంటనే 2 ఎఫ్16 ఫైటర్ జెట్స్ను పంపించి వాటిని అడ్డగించి దారి మళ్లించామని తెలిపింది. రష్యా కదలికలపై నిఘా ఉంచడంతో దీనిని ముందే గుర్తించామని నార్త్ అమెరికన్ ఏరోస్పేస్ డిఫెన్స్ కమాండ్ ప్రకటించింది.
ఎలాంటి ప్రమాదం ఉండదు : అమెరికా
అలస్కా, రష్యా మధ్య ఉన్న బేరింగ్ సముద్రంతో పాటు అంతర్జాతీయ జలాలపై రష్యా విమానాలు తరుచూ ప్రయాణిస్తూ ఉంటాయి. కొన్ని సార్లు ఎస్కార్ట్గా అలస్కా వరకు వస్తుంటాయి. ఈసారి ఎలాంటి సమాచారం లేకపోవడంతోనే రష్యన్ ఎయిర్ క్రాఫ్ట్స్ను అమెరికన్ జెట్స్ దారి మళ్లించాయి. ప్రతీ రోజూ ఈ ప్రాంతంలో రష్యా విమానాల రాకపోకలు సాగుతూ ఉంటాయని అమెరికా ఎయిర్ఫోర్స్ తెలిపింది. వాటి వల్ల ఎలాంటి ప్రమాదం ఉండబోదని చెప్పింది. లాంగ్ రేంజ్ఏవియేషన్ పైలట్స్ రెగ్యులర్గా ఆర్కిటిక్, నార్త్ అట్లాంటిక్, నల్ల సముద్రం, బాల్టిక్ సముద్రం, పసిఫిక్ మహా సముద్రం న్యూట్రల్ వాటర్స్పై విమానాలు నడుపుతూ ఉంటారని రష్యా రక్షణ మంత్రిత్వ శాఖ ప్రకటించింది. అయితే, చైనా స్పై బెలూన్ అమెరికా ఎయిర్స్పేస్లోకి ప్రవేశించిన తర్వాత యూఎస్ ఆర్మీ నిఘా పెంచింది.
