యూట్యూబ్ లో 30 వెడ్స్ 21 వెబ్ సిరీస్ తో యూత్ ను బాగా ఆకట్టుకున్నాడు హీరో చైతన్య రావు(Chaitanya Rao). ఇప్పుడు చైతన్య నుంచి రాబోతున్న మరో డిఫరెంట్ చిత్రం "అన్నపూర్ణ ఫొటో స్టూడియో"(Annapurna Photo Studio). తాజాగా ఈ మూవీ నుంచి ట్రైలర్ రిలీజ్ చేశారు మేకర్స్.
“నేడే చూడండి మీ అభిమాన థియేటర్లో అన్నపూర్ణ ఫొటో స్టూడియో. మనస్సుకు హత్తుకునే అందమైన ప్రేమ కథ , గిలిగింతలు పెట్టే హాస్య సన్నివేశాలు, ఉర్రూతలెక్కించే అందమైన పాటలు, ఉత్కంఠ భరితంగా సాగే కథనం, పోరాటలు, ఉహకందని మలుపులు ఉన్నాయి. ఇవే కాకుండా మరిన్ని ఉన్నాయి” అంటూ విడుదల చేసిన ఈ ట్రైలర్ ఆసక్తిని కలిగిస్తుంది. ఇప్పటికే ఈ మూవీ నుంచి రిలీజైన పోస్టర్, ప్రోమోలు కూడా ఆకట్టుకున్నాయి. చిన్న సినిమాగా వస్తున్న ఈ మూవీ పై మరింత ఇంట్రెస్ట్ కలిగేలా చేశారు మేకర్స్.
గోదావరి ప్రాంతంలో జరిగే ఓ చిన్న లవ్ స్టోరీ, నటీనటుల యాక్టింగ్ కూడా చాలా బాగుంది. ప్రిన్స్ హేన్రి( Prince Henry) బ్యాక్ గ్రౌండ్ మ్యూజిక్ కూడా ఆకట్టుకుంటోంది.
హీరో చైతన్య రావుకు జోడీగా నటిస్తున్న హీరోయిన్ లావణ్య(Lavanya) సహజంగా కనిపిస్తుంది. ఈ మూవీను పెళ్లిచూపులు, డియర్ కామ్రేడ్, దొరసాని వంటి చిత్రాలను నిర్మించిన బిగ్ బెన్ సినిమాస్(Big Ben Cinemas) బ్యానర్ దీన్ని నిర్మించింది.ఈ మూవీకు చందు ముద్దు(Chendu Muddu) దర్శకత్వం వహిస్తున్నాడు. జులై 21న ఈ సినిమా విడుదల కానుంది. గ్రామీణ నేపథ్యంతో వస్తున్న ఈ మూవీ చైతన్యకు ఎలాంటి హిట్ ఇస్తుందో చూడాలి.
