- కోయంబత్తూర్లో విషాదం
కోయంబత్తూర్: నేషనల్ ఎలిజిబిలిటీ- కమ్ -ఎంట్రన్స్ టెస్ట్ (నీట్) లో క్వాలిఫై కానేమోననే భయంతో తమిళనాడులో మరో స్టూడెంట్ ప్రాణం తీసుకున్నాడు. ఇప్పటికే రెండు సార్లు ఎగ్జామ్ రాసిన కోయంబత్తూర్ జిల్లా సంగరాయపురానికి చెందిన కీర్తివాసన్(20) మూడోసారి సెప్టెంబర్లో జరిగిన నీట్కు అటెండ్ అయ్యాడు. అయితే, రెండ్రోజుల్లో ఫలితాలు రానున్నందున తాను ఈసారి కూడా క్వాలిఫై కానేమోననే ఆందోళనతో శుక్రవారం మధ్యాహ్నం పురుగుల మందు తాగాడు. ఇది గమనించిన తల్లిదండ్రులు వెంటనే అతన్ని ఆస్పత్రిలో చేర్పించగా.. ట్రీట్మెంట్ పొందుతూ అదే రాత్రి చనిపోయాడని పోలీసులు తెలిపారు. తాను ఈసారి కూడా క్వాలిఫై కానేమోనని కీర్తివాసన్ అంత కుముందు రోజే తల్లిదండ్రుల ఎదుట ఆందోళన చెందాడని, వాళ్లు సర్దిచెప్పి నప్పటికీ అతను ఈ అఘాయిత్యానికి పాల్పడ్డాడని చెప్పారు. కాగా, పోయిన సెప్టెంబర్12న నీట్ జరిగిన ఐదు రోజుల వ్యవధిలోనే తమిళనాడులో ముగ్గురు స్టూడెంట్లు ప్రాణాలు తీసుకున్నారు. డీఎంకే ప్రభుత్వం కూడా రాష్ట్రంలో నీట్ను రద్దు చేయాలని డిమాండ్ చేస్తోంది.
