సూర్యాపేట, వెలుగు : జిల్లా కేంద్రంలోని అంజనాపురి కాలనీ సమీపంలో హైదరాబాద్ విజయవాడ నేషనల్ హైవేపై ఈనెల 4న లారీని ఆటో డీకొన్న ఘటనలో ఇద్దరు మహిళలతోపాటు ఓ చిన్నారి మృతి చెందింది. బాలెంల సాంఘిక సంక్షేమ పాఠశాలలో టీచర్గా పనిచేస్తున్న లావణ్య విధులు ముగించుకొని సూర్యాపేట వచ్చేందుకు ఆటో ఎక్కింది. ప్రమాదవశాత్తు ఈ ఆటో లారీని ఢీకొట్టింది.
ఈ ఘటనలో ఒక టీచర్ మృతి చెందగా మరో టీచర్ లావణ్యకు తీవ్రగాయాలు కావడంతో హైదరాబాద్ లోని ఓ ప్రైవేట్ దవాఖానకు తరలించారు. ఈ ఘటనలో మృతుల సంఖ్య నాలుగుకు చేరింది. దవాఖానలో చికిత్స పొందుతూ లావణ్య(26) ఆదివారం మృతి చెందారు. మరో ఇద్దరి పరిస్థితి సీరియస్ గా ఉన్నట్లు వైద్యులు తెలిపారు.
