పాన్‌కార్డు తీసుకునే వారు ఎక్కడికి వెళ్లాల్సిన పనిలేదు. చాలా సులువుగా ఇంటి నుంచే దీన్ని అప్లై చేసుకునే అవకాశాన్ని ఇన్‌కమ్ టాక్స్ డిపార్ట్‌మెంట్ కల్పించబోతోంది. ఆధార్ కార్డు డేటా ఎంటర్ చేస్తే చాలు పాన్ రెడీ అయిపోతుంది. త్వరలోనే ఈ సులభతర విధానాన్ని అమలు చేయనున్నారు. దీంతో పాటు గతంలో కంటే త్వరగా పాన్‌కార్డు అందించనున్నారు.
పాన్‌కార్డు కోసం దరఖాస్తు చేసుకునే వారు ముందుగా పోర్టల్‌లోకి వెళ్లి ఆధార్ డేటా ఎంటర్ చేసి OTPని పొందాలి. ఆ తర్వాత అందులో అడ్రస్ తో పాటు తండ్రి పేరు, పుట్టిన తేదీ వివరాలు ఇస్తే సరిపోతుంది. వెంటనే పాన్‌కార్డు జనరేట్ అవుతుంది. తర్వాత ఒకసారి డిజిటల్ సంతకం చేస్తే ఇక పాన్‌కార్డు రోజుల వ్యవధిలోనే ఇంటికి వచ్చేస్తుంది. త్వరలోనే ఈ కొత్త విధానం అందుబాటులోకి రానుంది. దీంతో పాటు డేటా ఫోర్జరీ కాకుండా ఉండేందుకు కూడా తగిన చర్యలను తీసుకోనుంది ఐటీశాఖ.
