కరీంనగర్ టౌన్, వెలుగు : మీకు మేడారం మొక్కు ఉందా? వెళ్లలేని పరిస్థితిలో ఉన్నారా? అయితే మీ మొక్కులను తాము చెల్లిస్తామంటోంది ఆర్టీసీ..ఆ వివరాలను గురువారం కరీంనగర్ ఆర్టీసీ బస్ స్టేషన్ లో కార్గో అండ్ కొరియర్ సర్వీసెస్ స్పెషల్ ఆఫీసర్ ఎన్.కృష్ణకాంత్ తెలిపారు. ‘బంగారం మొక్కు.. ప్రతిఫలం దక్కు’ నినాదంతో భక్తుల బంగారం మేడారంలోని అమ్మవార్లకు సమర్పిస్తామన్నారు. అమ్మవారి ప్రసాదం, పసుపు, కుంకుమతో పాటు ఫొటో తీసుకువచ్చి అందజేస్తామన్నారు. 5 కిలోల బంగారానికి 200 కిమీల వరకు రూ.400, ఆపై కిమీలకు రూ.450 చార్జి చేస్తామన్నారు. ఆర్ఎం అంచూరి శ్రీధర్, డీఎం ఎ.రవిశంకర్ రెడ్డి పాల్గొన్నారు.
