అరుణాచల్ ప్రదేశ్లో ఆర్మీ హెలికాప్టర్ కుప్పకూలింది. అప్పర్ సియాంగ్ జిల్లాలోని టూటింగ్ హెడ్క్వార్టర్స్కు 25 కిలోమీటర్ల దూరంలో ఉన్న సింగింగ్ గ్రామంలో ఉదయం 10.43గంటల ప్రాంతంలో హెలికాప్టర్ కూలినట్లు తెలుస్తోంది. హెలికాప్టర్ క్రాష్ అయిన ప్రదేశానికి రోడ్డు మార్గం లేదని, ప్రస్తుతం ఆ ప్రాంతానికి రెస్క్యూ బృందాన్ని పంపినట్లు అధికారులు తెలిపారు. ఈ ఘటనకు సంబంధించిన మరిన్ని వివరాలు అందాల్సి ఉందని డిఫెన్స్ పీఆర్వో వెల్లడించారు.
అక్టోబర్లో అరుణాచల్ ప్రదేశ్లో హెలికాప్టర్ ప్రమాదం జరగడం ఇది రెండోసారి. ఈ నెల ప్రారంభంలో తవాంగ్ సమీపంలో చీతా హెలికాప్టర్ కూలిపోవడంతో పైలట్ ప్రాణాలు కోల్పోగా, పలువురు గాయపడ్డారు. ఇటీవలే కేదార్ నాథ్ లోనూ హెలికాప్టర్ ప్రమాదానికి గురైంది. గాల్లోకి లేచిన కొన్ని క్షణాలలోనే హెలికాప్టర్ కూలిపోవడంతో పైలట్ సహా ఏడుగురు ప్రాణాలు కోల్పోయారు.