- తలంబ్రాలకు 40, ప్రసాద విక్రయాలకు 15 కౌంటర్లు
- భద్రాద్రి కొత్తగూడెం కలెక్టర్ ఎంవీ రెడ్డి
భద్రాద్రికొత్తగూడెం, వెలుగు: భద్రాచలం శ్రీసీతారామచంద్రస్వామి ఆలయంలో శ్రీరామ నవమి, శ్రీరామ పట్టాభిషేక మహోత్సవాలను వైభవంగా నిర్వహించేందుకు ఏర్పాట్లు చేయనున్నట్టు కలెక్టర్ ఎంవీ రెడ్డి చెప్పారు. శ్రీరామనవమి ఉత్సవాలపై వివిధ డిపార్ట్మెంట్ల ఆఫీసర్లతో కలెక్టరేట్లో సోమవారం రివ్యూ నిర్వహించారు. మన రాష్ట్రంతో పాటు ఇతర రాష్ట్రాల నుంచి భక్తులు పెద్ద సంఖ్యలో ఉత్సవాలకు వచ్చే అవకాశం ఉందన్నారు. రాముడు నడిచిన ఈ నెలలో భక్తిభావం ఉట్టిపడేలా ఏర్పాటు చేయాలని ఆఫీసర్లను ఆదేశించారు. భక్తులకు ఇబ్బందులు కలుగకుండా ఆలయ పరిసర ప్రాంతాలతో పాటు పట్టణంలోని మెయిన్ రోడ్లలో ఎల్ఈడీ టీవీలను ఏర్పాటు చేయాలన్నారు. టెంపుల్ మొత్తాన్ని కలర్ లైట్లతో అలంకరించాలన్నారు. తలంబ్రాల కోసం 40, ప్రసాదాలకు 15 కౌంటర్లను ఏర్పాటు చేయనున్నట్లు తెలిపారు. ఆన్లైన్లోనూ దర్శన టికెట్లు అందుబాటులో ఉంటాయన్నారు. ఎమర్జెన్సీగా వైద్యం అందించేందుకు 12 చోట్ల హెల్త్ క్యాంప్లు, నాలుగు అంబులెన్స్లు, భద్రాచలం ఏరియా హాస్పిటల్లో 10 పడకలను రెడీగా ఉంచాలని ఆదేశించారు. కరోనా రూల్స్ పాటిస్తూ ఏర్పాట్లు చేయాలని సూచించారు. మీటింగ్లో అడిషనల్ కలెక్టర్ డి.అనుదీప్, టెంపుల్ ఈవో శివాజీ, డీఆర్వో అశోక్ చక్రవర్తి పాల్గొన్నారు.
ఇవి కూడా చదవండి
అప్పుడు పబ్‌.. ఇప్పుడు వైల్డ్‌‌లైఫ్‌ హాస్పిటల్
